同日現身內地搵銀金秀賢強勢回歸鬥宋仲基
1 :
GS(14)@2016-05-22 12:16:33韓國神劇《來自星星的你》和《太陽的後裔》分別捧紅了金秀賢和宋仲基，由於金秀賢一直忙於拍攝新片《Real》，令宋仲基有機可乘發力狙擊，先後取代金秀賢成為行李箱品牌及濟州航空的代言人。不過金秀賢昨日強勢回歸，近兩個月未有公開露面的他現身瀋陽活動搵銀，與同日在武漢舉行粉絲見面會的宋仲基鬥人氣。
■粉絲撲去接機，見金秀賢的汽車出現即瘋狂尖叫。
■金秀賢在活動上收到字畫，並打開細心欣賞。
粉絲組隊接機
金秀賢自從今年3月24日在北京現身後就一直忙於拍攝《Real》，隨着上月《太陽》以高收視大結局後，宋仲基在內地的人氣有增無減，被內地網民封為「國民老公」。而韓國方面，金秀賢亦不敵宋仲基，《太陽》第6集收視已火速超越《星星》的最高收視，加上金秀賢連失兩個廣告，令男神之戰更趨白熱化。昨日兩大男神終於正面交鋒，金秀賢一早就由韓國出發飛到瀋陽，出席下午舉行的世界城開幕活動。金秀賢蒲頭，粉絲都組隊到機場接機，更齊心穿上印有《Real》字眼的T恤造勢。金秀賢見粉絲熱情，即使一臉倦容都立刻鞠躬答謝。金秀賢其後換上西裝現身活動，金秀賢直言見到粉絲十分開心，又說：「為答謝大家支持，我會以好演技來報答大家。」金秀賢在活動後急急腳趕回韓國，認真頻撲。至於宋仲基，他前日已抵達武漢為昨晚的見面會做準備，未知是否得知金秀賢同樣身在內地，昨午他率先透過網上直播冧粉絲。宋仲基大派心心，當提到好友李光洙時，他指光洙名字的普通話發音似足廣州，笑言可以考慮邀請光洙做廣州見面會的嘉賓。此外，雖然昨晚的粉絲見面會因停電而遲了開場，但宋仲基一現身，粉絲即忘記不快盡情尖叫，宋仲基用普通話說：「大家好，我是宋仲基，見到你們很開心。」撰文：施洛冰
■宋仲基昨午趁見面會前玩直播，更派心心冧粉絲。
■因一度停電關係，宋仲基昨晚的武漢粉絲見面會遲了開場。
來源:
http://hk.apple.nextmedia.com/entertainment/art/20160522/19622361
火雞姐鋪路搵銀
1 :
GS(14)@2016-08-09 07:33:05網絡紅人火雞姐丁可欣（Yanki）跟兩位出位主持人KB、火火等，昨日於中環出席「藍神秀」記者會，Yanki自從拍了「火雞姐搭巴士好X嬲」短片瞬間在網絡走紅，工作量大增，連卓韻芝也模仿她，她表示每條片也有正負評，對於短片帶挈工作大增，Yanki表示：「賺唔賺錢唔重要，而家只想鋪好條路。」
KB昨日被Blue Man在身上射噴漆，提到之前在節目中裸跑，他表示不少50、60歲的姨姨也讚節目好看。問到陳子聰肝病入院一事，KB說：「對上一次見已經好耐，我唔知，佢哋冇周圍講，我都係見新聞先知，我嘅崗位係等消息。」採訪：羅慧敏攝影：沈健程
來源:
http://hk.apple.nextmedia.com/entertainment/art/20160809/19728236
【搵銀初哥】棄高薪做潮流教主建築師：我唔起劏房，我賣裙仔
1 :
GS(14)@2016-11-13 11:28:42手持建築師牌，本身於南豐擔任項目總監，本來不愁搵食。不過38歲的蔡健瑋（Harry）做打工仔十幾年後，終於的起心肝，踏出創業的第一步，去年成立iStyleup，建立世界獨立時網品牌網購平台。「我哋唔同淘寶，我哋係賣獨立設計師時裝。」沒錯，iStyleup基本經營概念與一般網購平台大同小異，賣點主力攻「獨立」品牌，希望擴闊獨立設計師時裝的客源，令產品更易入屋。另外，iStyleup亦不會為設計師存貨，寄送服務由設計師負責。正所謂唔熟唔做，Harry由地產界跳入時裝界，不少人會質疑「憑咩嘢？」憑藉的就是人際網絡。他透露，三年前他擔任南豐紗廠活化項目The Mills總監，發現獨立時裝設計師，面對最大困難如果令產品走出世界，找到知音人。自小以創業為志願的他，就靈機一觸發現商機，決定轉行成立iStyleup，幫獨立時裝設計師找知音！此後他便著手到世界各地時裝騷會場，遊說設計師加入平台。網站成立至今10個月時間，平台累積110名設計師，會員有6000至7000名，每月有約數十單生意，人均消費約1000元。Harry表示，短線目標希望數月後用戶人數過萬。項目在天使投資者支持下，至今投資額超過200萬元，Harry坦言，仲未回本。做時裝生意，對於Fashion，他自有一套解讀，「我哋iStyleup唔係鬥in鬥Yeah，係鬥價值，又可以突出個設計，同時適合我性格。你見到香港好多做時裝好成功既老闆，佢地都係生意人。做一個時裝生意人，最緊要係識做生意，團隊入面有人識時裝就好夠」。年近40歲才創業，Harry坦言，認為自己「創」得太遲，「如果時光倒流，大學一畢業，廿一二歲就應該要去創業。我細個諗法係覺得，要儲經驗、儲錢先可以做生意，但過左呢段時間睇返轉頭，可能唔需要。做生意要資源，其實你係有辦法用其他途徑去搵，唔一定要儲。」記者：倪敏慧攝影：陳家文（新加坡、香港部分）、馮鋒（香港部分）編導、剪接：陳家文
來源:
http://hk.apple.nextmedia.com/financeestate/art/20161113/19832289
【搵銀初哥】香港人啊！如果你改不了這三件事，就不要創業了
1 :
GS(14)@2016-11-13 11:28:42盧炳棠（Tommie）創辦的Speaking Textbook，以及蔡健瑋（Harry）創立的iStyleup，今年同為Google EYE創業計劃六強之一，早前更前赴東南亞初創重鎮之一新加坡，與當地創業加速器及初創企業進行交流。事實上，今年為Google第三年推出EYE年輕創業家計劃。香港矢志創業人士，一般都滿腔熱血，不過，熱血背後亦有不少通病。
EYE年輕創業家計劃項目總監何兆倫（SL）列出三大點，分別是：死不認錯；講就天下無敵，做產品原型（Prototype）則拖得就拖；演講技巧要大大改善。當然，批評過後，SL亦會提供少少建議，要知道，不能懶，還是去片吧！記者：倪敏慧攝影：陳家文（新加坡、香港部分）、馮鋒（香港部分）編導、剪接：陳家文
來源:
http://hk.apple.nextmedia.com/financeestate/art/20161113/19832291
【搵銀初哥】漁村仔視一億如無物「我搞教育唔駛理吳克儉」
1 :
GS(14)@2016-11-13 11:28:42「點解investment pitching好似啲佳麗，然後求個皇帝，你揀我啦。」今年只有31歲的盧炳棠（Tommie），去年成立初創Speaking Textbook，希望發揮影像潛能，令學生在家睇片當補習，向補習名師宣戰。值得注意的是，Tommie今次第三次投身教育生意，「我想建立一個Ecosystem，係可以自給自足，唔使睇投資者面色。」
Speaking Textbook的生意模式，簡單一句，就是聘請退休老師、來自法律系、教育系等大學生，將坊間教科書每一個概念、每一條題目的解說拍成影片。然後將影片庫以月費100元售予用戶。「既然你去補習社都係睇片，咁點解唔喺屋企睇？我希望我哋可以用現代嘅手法去拍片，例如訪問街邊魚蛋佬，從中睇到經濟學理論。」你可能會問，Tommie憑咩去教人教書？如果你數數他擁有的沙紙，你就會明白。皇仁書院畢業、然後負笈美國UCLA（加州大學洛杉磯分校）讀完大學，主修的數學及經濟更以全級第一名畢業，繼而到英國LSE（倫敦政治經濟學院）修讀經濟學博士。你以為他天生至尖子？如果你與他講多兩句，他會告訴你幾個令人震驚的真相。西貢布袋澳漁村長大的他，小時出海多過讀書：「我初中成日全級考尾幾。」、「中學我最低分就係數學同經濟，會考之後我諗住一世都唔掂數學。」今日學有所成的轉捩點，來自中六時課餘睇經濟學大師穆罕默德•尤納斯（Muhammad Yunus）著作《Banker for the Poor》開竅，令他明白「無人係有嘢會學唔識，只係你未遇到一個啟蒙老師。啟蒙到你嘅，可以係真人，可以係一本書，甚至一條片。」自己有經歷，加上於倫敦讀書時瘋狂幫人補習，令他掌握教學竅門。他坦言，曾有不少投資者接觸，希望收購Speaking Textbook，甚至有內地基金出價1億元，不過一一被Tommie拒絕。他表示，曾經與一名投行銀行家洽商合作，「我喺太古廣場同佢講到鬧交，原來佢係出版社顧問，佢話我做嘅嘢，佢掟少少錢都做到啦。咁我話又唔見你做？」Tommie又以Google投資Uber作反擊，「Google要抄Uber唔難呀，但佢都投資，係真係信Uber有自己DNA，我哋相信，我哋公司嘅DNA係複製唔到。」
Tommie表示，除非找到認同他們理念的投資者，否則Speaking Textbook不會賣。目前項目投資額已過千萬元，至於資金來源，他自有一套「搵錢」哲學。Tommie於2011年回港後，先後成立真人補習社及自設筆記網上補習平台Prologue，兩公司盈利均會作為Speaking Textbook資金來源，三間企業互相支撐，自給自足。目標2017年，Speaking Textbook有10萬名付費用戶，每個月1000萬收入，「到時就算我要入大陸市場，我都係有格調咁入，唔使求人。」被問到如果見到教育局長吳克儉，他會有何反應，「可能未必會同佢講Ｄ咩，因為你明知佢冇乜用，喺香港暫時最民主係D咩，已經唔係個選舉制度，最民主既依然係市場主導，如果我地真係做得好，我覺得我地學生每個月俾既補習費，係一人一票俾你。」記者：倪敏慧攝影：陳家文（新加坡、香港部分）、馮鋒（香港部分）編導、剪接：陳家文
來源:
http://hk.apple.nextmedia.com/financeestate/art/20161113/19832287
識時務定係忘本？藝人香港出道北上搵銀
1 :
GS(14)@2017-07-05 03:42:31現年28歲嘅Janice Man（文詠珊），早喺14歲時被星探發掘成為當年香港第一代o靚模始祖，2007年客串電影《十分愛》從而開始電影事業，2009年加入黎明旗下公司，喺香港都叫做有唔少知名度。而近年佢就轉戰大陸市場，第一部電視劇就係抗日神劇《畢業歌》，之後接拍咗武俠劇《蜀山戰紀之劍俠傳奇》，形象深入民心而成功打開大陸市場越拍越有，嚟緊就會有一部古裝魔幻劇《九州‧海上牧雲記》。其實Janice Man已經算係遲入大陸市場搵錢嘅香港藝人，同Janice Man同期出道嘅Angelababy、「宇宙巨漿」G.E.M.、「而我不知道」嘅陳偉霆同埋跳出大台嘅王祖藍等，都已經一早打入大陸市場，仲非常風生水起。
Angelababy同樣28歲嘅Angelababy一樣係o靚模出身，同Janice Man一樣被譽為o靚模始祖，兩人當年可以話係紅極一時，吸納咗唔少fans。2010年同大陸男星黃曉明拍拖，2014年參加大陸版《Running Man》（《奔跑吧兄弟》）被大陸民眾熟悉，2015年同黃曉明喺上海結婚令佢喺大陸人氣更盛，及後2017年1月17日喺香港養和醫院產下一子。鄧紫棋（G.E.M.）今年25歲嘅鄧紫棋當年喺香港以16歲之齡出道，仲即刻橫掃各大樂壇頒獎禮嘅新人獎，得到唔少樂壇前輩公開讚揚，被稱為「巨肺小天后」，成名之後佢喺2014年參加大陸節目《我是歌手》令大陸民眾認識到佢，仲吸引咗大量fans，之後就一心一意喺大陸發展從而成為「宇宙巨漿」。陳偉霆31歲嘅陳偉霆早喺2003年參加《新秀》以歌手身份出道，不過就一直彈唔起，最為人熟悉都應該係同Angelababy同埋蔡卓妍（阿Sa）拍拖嘅兩段情，而當年因為黃曉明介入而同Angelababy分手，事後黃曉明一句「而我不知道陳偉霆是誰」更成為明句，到o依家一提陳偉霆都一定會有人講。而佢就喺2013年開始將事業重心轉向大陸，憑一套古裝仙俠偶像劇《古劍奇譚》彈出成為大陸「男神」，之後接拍嘅《老九門》更加將佢推向高峰，喺大陸紅到發紫。王祖藍37歲嘅王祖藍喺演藝學院畢業後加入大台，早期都係靠上《獎門人》而打響知名度，之後越做越紅，更開拍自己嘅劇集《老表，你好嘢！》，2014年同Angelababy一齊加入大陸節目《奔跑吧兄弟》而成功喺大陸入屋，之後開始喺香港減產但大陸工作就密密接長做長有。
來源:
http://hk.apple.nextmedia.com/entertainment/art/20170704/20078616
阿Yu母女檔搵銀
1 :
GS(14)@2017-07-05 03:42:35趙頌茹（阿Yu）昨日帶4歲細女愛希擔任屯門舉行「海底尋寶之旅」啟航禮嘉賓，精靈活潑的愛希完全不怕醜，跟工作人員扮演熊貓玩不停，甚至連媽咪亦沒有理會，令阿Yu笑指要買件熊貓衫回家，好讓兩女更聽話。愛希表演慾強，阿Yu指她好鍾意跟自己出外工作，亦想囡囡了解多些媽咪工作，問到有否人邀請囡囡拍廣告？她說：「有人搵都可以，不過平時出嚟冇嘢，唔知做嘢得唔得。」阿Yu指暑假已安排好參加保育海底工作坊，問到會否去旅行？她說：「有諗，但天氣太差，一個帶兩個好怕出外遇風雨，可能等8月，去啲個幾鐘機程地方如台灣。」採訪：馬建華攝影：陳慧安
來源:
http://hk.apple.nextmedia.com/entertainment/art/20170704/20077775
Next Page