人品好牌品好 梁詠琪：每年都見到自己打牌
1 :
GS(14)@2017-01-31 03:13:31拜年指定台詞當然係恭喜發財！！！年初二就俾黃翠如實現咗喇！！！翠如BB喺大年初二，趁住假期打麻將大發新年財，佢啱啱擺咗張舉晒V嘅相上Instagram同微博，留咗個tag話「#贏咗都唔知咩事」、「#打第三次麻雀」、「#奇怪先生我軍師」咁究竟係咩事呢？睇一睇，嘩！原來翠如BB食出一鋪十三么呀！呢啲奇牌唔係話食就食，要時來運到先食得一次，年初二就有彩運，唔怪之得要影相賀一賀佢啦。據知翠如BB平時唔打牌，佢一開始以為係大爛牌，好彩有男友蕭正楠喺身邊教佢，先食到呢鋪十三么，仲贏咗$64。講到新年打麻將，仲有呢位靚媽－－梁詠琪（GiGi）！事關GiGi喺02年同劉德華拍咗套賀歲片《嚦咕嚦咕新年財》，之後每年都會俾電視台拎出嚟不斷重播，應節嘛！不過咁，原來GiGi一早已經戒咗打牌，佢啱啱就喺facebook話又見到自己：「每年都見到自己係電視打麻將，其實我戒咗打牌好耐啦！」
來源:
http://hk.apple.nextmedia.com/entertainment/art/20170130/19913064
【科健籽】玩魚蝦蟹聲沙 打機手指痛 打牌爆瘡點解救？
1 :
GS(14)@2017-02-02 02:34:37玩魚蝦蟹，一定要叫到圻天，第二朝失聲是平常事。
【科健籽：食養東西】新年，首要任務當然是四處拜年，恭喜發財、身體健康、利利是是。拜過年見過長輩食過飯，當然就是和一眾兄弟姊妹表哥表姐，開局。局有分幾種，最常見就是魚蝦蟹、麻雀、打機。不過狂歡過後，通常有手尾跟。
魚蝦蟹 大聲嗌
玩魚蝦蟹，最有趣的地方就是看見一班人圍着枱大大聲叫自己買的那一門。叫足幾個鐘，第二日失聲是平常事。到底有無急救開聲法？中醫師說用嗓過度會出現聲沙的情況，中醫來說叫聲疲，就是聲音疲勞。聲疲的特點，喉嚨不會很痛，就是說話聲音沙啞。這時醫師建議用麥冬加百合來煲水，可以滋潤喉嚨。若喉嚨乾涸，吃一匙蜂蜜也是個好方法。所謂預防勝於治療，其實在魚蟹蝦進行期間，多飲水多食水果，例如雪梨這類滋潤的水果，可以幫助清潤喉嚨。
百合（左）4錢、麥冬4錢，約4碗水，煲15至20分鐘，煲起之後當水飲。
蜂蜜直接食用都可以。
通宵打牌，好易爆瘡。
通宵麻雀 一面係瘡
打麻雀，一打就打足三十六圈，但由於比較靜態，很少機會發生聲沙失聲等問題。不過也存在另一個問題，爆瘡！一晚過去，整塊面都是粒粒，女生驚慌到不行。註冊中醫師徐澤昌說，爆瘡其實和身體的「熱」有關。中醫分實熱和虛熱，「痈疽原是火毒生」，面上所有的瘡都和「熱」有關，捱夜會令身體虛火重，如果捱夜時還一邊食薯片等零食，就會令身體的熱力進一步加重，因而爆瘡。對付暗瘡，以清熱為主，中醫有一種叫連翹的藥，是「瘡家聖藥」，對付暗瘡腫毒都會用到。連翹、銀花、炒麥芽煲水，可以清脾胃積滯，又可以解毒，幫助暗瘡慢慢消散。
（左起）銀花3錢、連翹3錢、麥芽6錢，約4碗水，煲15至20分鐘，煲起之後當水飲。
連續打機七八個鐘，一定手指痛。
打機無停 手軟手痛
最後一個局就是打機！PS4、XBOX、PC甚麼都好，聚在一起殺到天昏地暗。第二朝發覺手指手腕痛到不行。這些手作工夫，不是經長時間訓練，的確很易令手部產生勞損，醫師就教你按摩幾個穴道，可以有效紓緩。
合谷穴：手合起來谷起最高的地方，就叫合谷。
魚際穴：手指公的大肌肉上。
勞宮穴：握緊拳頭，中指點着的地方。
記者：李聰攝影：潘志恆、徐振國編輯：梁浩維美術：孔文彬
想輕輕鬆鬆健康?，記住留意健康蘋台
http://health.appledaily.com.hk/
來源:
http://hk.apple.nextmedia.com/su ... t/20170201/19910921
【打牌治瘀傷?】衛詩雅三年冇工開畀唔出家用「好羞恥」
1 :
GS(14)@2017-05-14 10:50:59■3個仔女中，衛媽最錫詩雅，因為佢最貼心，不過有時都好激心。
32歲衛詩雅(Michelle)早前拍攝電影《失眠》演慰安婦，拍到成身瘀傷(新聞連結：
http://bit.ly/2qq1CbY)，當時佢唔敢話畀屋企人知，怕佢哋擔心，但紙點會包得住火吖，最後咪俾細心嘅衛媽媽發現，詩雅話：「我好唔開心都會見屋企人前先吸一啖氣，跟住入門口就笑。」對住呢種乜都自己孭晒上身所有嘢嘅女，衛媽有乜方法？衛媽話：「我有陣時會偷睇佢電話囉，哈哈！趁佢沖涼就睇佢有關工作上嘅事，因為佢乜都唔講囉！」
■詩雅話同媽媽關係似情侶。
■情侶到…成日互Check行蹤。
■打牌唔可以醫病，不過對衛家嚟講，喺麻雀枱上係一碗心靈雞湯。
衛媽除咗煲湯同幫詩雅執靚間房去支持個女，衛媽同一家人仲有殺手鐧：「支持佢咪我哋得閒打吓麻雀呀、玩吓大富翁！」佢哋仲同工作人員即場開枱打牌，即時生猛晒，詩雅又搞笑話媽媽呢幾年變晒、好情緒化：「唔知係咪更年期？！」而衛媽轉頭就話因為自己年紀大有啲情緒病喇。
■佢兩個仲會玩呢樣「竹簽」聯誼感情。
■詩雅(右)細細個對眼就好大好得意，同父母姐姐合照。(被訪者提供圖片)
■詩雅(右一)懂事開始就要做姊(左一)弟(左二手抱)中最強嗰個，希望可以照顧晒全家人。(被訪者提供圖片)
屋企有家姐同細佬嘅詩雅，由細就已經想做最強嗰個，指嘅係要分擔父母嘅責任，衛媽話：「三個仔女入面，佢都係最乖、好貼心。以前屋企最艱難時，佢就話要出去做嘢，嗰陣佢做一個鑽石Sales(銷售員)有幾多錢啫，佢都可以攞6千蚊返嚟，我哋嗰陣時真係靠嗰6千蚊生活。」詩雅之後慢慢學做珠寶批發，喺22、3歲嗰陣已經每月平均賺到大約4萬蚊，不過佢都選擇咗一份明知冇穩定收入嘅工作——演員。一入行雖然擔正劇集同電影，但點會咁順風順水吖，詩雅：「接近兩三年係冇電影拍，又冇乜任何工作，不過對我嚟講最難過係我冇錢畀屋企。我竟然我為咗追我嘅理想，我有幾個月竟然畀唔到錢佢哋，甚至乎要佢哋照顧番自己，覺得好羞恥。」
■阿女拍《失眠》受傷唔出聲，衛媽見到都心痛。(資料圖片)
■衛媽講到當年冇辦法供詩雅去外國讀書…佢哋都忍唔住…
■衛媽仲同詩雅講對唔住…
而衛媽又憶起詩雅中學時嘅難過事，就係供唔到詩雅去外國讀書：「我睇過佢個日記，佢每一頁，寫完佢嗰日嘅嘢就寫住『我好想去外國讀書』，當年我睇到嗰本日記嗰陣，眼淚係咁流、係咁流。」衛媽媽都忍唔住喊咗出嚟，「我覺得我好揼心，點解周邊嘅朋友啲仔女話去外國讀書，可以去到嘅？！但點解我唔可以呢，我當時唔知點樣去面對，所以好對唔住！」呢個時候傍邊嘅詩雅邊喊邊安慰媽媽。媽媽嘅心願只想一家人，尤其三個子女平安健康快樂，而詩雅話：「媽咪，我知道我嘅脾氣唔係好好，有陣時可能會唔小心講咗啲難聽嘅說話，同埋你成日都好就我，我知道嘅。如果有下一世，我做你媽咪，我照顧番你！」服裝：Michael Kors場地：Our Place採訪：懷鈺攝錄：馮峰、Neo
來源:
http://hk.apple.nextmedia.com/entertainment/art/20170514/20020430
【打牌係廢青？】筒索萬點嚟？大學生搞麻雀大賽聯誼
1 :
GS(14)@2017-07-02 14:52:30香港聯校大專麻雀大賽籌委由七間大專院校的學生組成，初賽預計於7月進行。
大學活動不外乎玩劇社、跳舞，在大學打牌打到搞比賽，你又聽過未？最初由香港中文大學學生成立麻雀研究學會，至今年4月，麻雀研究學會會長透過專頁招募來自其他大學志同道合的在讀生組成籌委會，共同籌辦大型聯校麻雀大賽，現時籌委會成員有25人，來自七間大專院校。貴為中國國粹，打麻雀，又稱打麻將，總被聯想到賭博，似乎難登大雅之堂。面對facebook專頁上的負面留言，批評他們是廢青與不務正業，香港聯校大專麻雀大賽籌委外務黃文彥指：「有負面留言正常不過，但我們相信打麻雀的確有它的好處，讓我們聯誼認識新朋友之餘，它是一個講求運氣與技術的競技遊戲，我們對它抱十分正面的想法。」為甚麼想舉辦聯校麻雀比賽？「比賽只是一個過渡，我們的最終目的是要推廣麻雀文化，我們相信舉辦比賽至少可以改變到其他人的負面想法，但不搞就一定沒可能。」他們深信打麻雀是一項有益身心的競技活動，不應受年齡限制，不只是老一輩的人的喜好，也深深吸引這班年輕人。黃文彥也強調活動不涉錢銀賭博，只帶娛樂性質。訪問當天，他們晚上要開會，不用接受訪問的成員便在旁打幾圈，雖然同樣是「愛雀之人」，但他們指平時聚頭大多為籌備比賽章則及細節，反而甚少坐在一起切磋。除了聯誼之外，籌委內務溫進浩指在麻雀場上遇到不同性格的人，讓他學會與他們相處。問到最差牌品的人，原本假設是態度差劣、不服輸的人，溫進浩卻有另一番體會，「一邊打牌一邊玩手機的人，每次完局後便玩手機不洗牌，甚至連打麻雀期間也在看手機。」他們對麻雀文化甚有興趣和了解，從術語到歷史故事，他們不時上網查閱，還會分享到專頁上，加深其他人對麻雀的認識。我們特地準備一些關於麻雀冷知識的問題測試他們，例如「麻雀即是馬吊？」、「為甚麼要用梅蘭菊竹四種花？」、「為甚麼有108隻主牌」、「為甚麼是萬、索、筒？」，統統也難不倒他們。黃文彥指：「要玩好一件事，對它加深歷史認識更加重要，我們希望去了解，透過自己帶給大家。」香港大專聯校麻雀大賽初賽將於7月31日舉行，預計將有500人參加，今屆只接受在讀的大專生報名，以循環制方式進行，積分高低決定打入決賽與否。
黃文彥指打麻雀是一項有益身心的競技活動。
他們希望透過比賽推廣麻雀文化，為麻雀洗脫污名。
訪問期間其他成員也把握時間互相切磋。
溫進浩遇過最差牌品的人，會一邊打麻雀一邊玩手機。
為了宣傳比賽，他們不時會在專頁上分享麻雀的趣味小知識。
記者：鄧天蔚攝影：伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170702/20075812
Next Page