得罪TVB高層冇運行？馬蹄露拒扮黃夏蕙被雪藏9個月
1 :
GS(14)@2017-06-16 01:58:45大台八九十年代仲係香港電視嘅龍頭，當然係惡啲啦！當年喺大台力捧嘅藝人，現時好多都已經係天王天后、影帝影后級，不過如果得罪佢哋都真係冇運行！劉德華眾所周知劉德華喺大台出身，佢當年出道冇耐即被力捧，仲主演過唔少劇集，不過喺85年大台想同佢續簽5年約，不過當時劉德華人氣上升，想將合約年期減短，仲因為咁得罪高層，被大台雪咗超過1年。王喜被視為「迷雲黨」嘅王喜，同前大台高層陳志雲非常之咁老友，不過佢同另一位大台高層樂易玲似乎唔係咁啱傾喇！事關佢當年同大台約滿，曾經喺社交網炮轟對方。陳倩揚09年港姐陳倩揚加入大台之後，主力擔任《東張》主持，不過早年有傳大台高層起用「有線幫」，而陳倩揚冇得留底，被叮後，佢曾經喺社交網站發功。有指因為咁，有唔少劇集同綜藝節目監製都收到通知，唔可以錄用陳倩揚。而佢亦喺16年8月離開大台，之後仲接受訪問講返大台情況。馬蹄露有傳馬蹄露當年大台喺一個搞笑節目叫佢扮黃夏蕙，點知佢就直接拒絕，咁就得罪高層，仲俾藝員科捉咗去「照肺」，結果仲被雪藏9個月，當時馬蹄露仲諗過想離開娛樂圈。
來源:
http://hk.apple.nextmedia.com/entertainment/art/20170615/20056345