心有所屬 馬國明禁阿佘埋身放電
1 :
GS(14)@2016-06-12 03:03:112016-05-25 EW
去年因續約問題被無綫雪藏並只拍一劇的馬國明，有傳已傾掂數加簽五年，即時解凍並獲安排於重頭劇《賭城群英會》及《愛情來的時候2》擔正做男主角，與視后佘詩曼（阿佘）飾演情侶。
連月與阿佘留在深圳為《賭》劇開工，雖然二人至今已第三度飾演情侶，縱使朝夕相對也不過電，因馬國明心繫阿妹唐詩詠，就連網民也激讚他們相襯。為在阿妹面前加分，他鏡頭後跟阿佘保持距離，避免惹「佘」纏身！
點到即止
日前馬國明跟阿佘到深圳觀瀾湖新城拍攝一場拍拖戲，演技精湛的視后阿佘一埋位即七情上面，他亦配合地從後攬實阿佘腰肢大晒煙韌，鏡頭前狀甚甜蜜，有講有笑，不過一停機，他便自動彈開。而鏡頭後除對對白外，二人閒聊不多，他寧願玩手機自娛，免傳緋聞。其實心有所屬的他，對阿妹唐詩詠一條心，女方一日未結婚，依然有得爭，故他落力守行為，開工期間對身邊女拍檔皆視而不見。
另一日，劇組到深圳龍崗區的小村開工，對手換上全男班的楊明、何浩文、黃浩然等，馬國明態度明顯放輕得多，不但跟他們雞啄唔斷，還不時互攬影相，十分搞鬼。當日有粉絲要求簽名，一向順得人的他無托手踭，相當合作。
劃清界線
對男女拍檔兩個樣，馬國明跟唐詩詠主持的《有乜好過去Camping》上月出街後，被網民大讚他倆是絕配，二人既有兄妹和緋聞之情，錯綜複雜，搞到洪永城也酸溜溜說︰「我同詩詠都好襯㗎！」即使阿妹已跟洪永城拍拖，他仍不時叮嚀女方「睇定啲」，更成功令唐詩詠打消跟洪永城同居的念頭。
至於跟惹火的阿佘合作，馬國明一早表明只視對方為女神，「可以同阿佘合作喎，梗係開心啦，我係好欣賞佢演技，仲係我心目中女神！」即使《賭》劇是二人第三度合作，也未有擦出愛火花。據知情者透露馬國明要做絕緣體，「之前佢被公司雪咗一排，跟住又想阿妹對佢增加好感，咪好落力保護形象，所以同女演員冇乜交流，相反同男演員就玩得癲好多。」馬國明用心良苦，未知唐詩詠收到未？
撰文、採訪☆娛樂組 攝影☆娛樂攝影組 設計☆黎志堅
港姐殺手Philip多女埋身舊愛李施嬅慷慨做姊妹
1 :
GS(14)@2016-08-16 06:28:05杏兒老公Philip（李乘德）除咗曾做過夜場老闆，仲有間獵頭公司，絕對係公關能手。Philip縱橫唔同社交圈子，人脈肯定廣，當年佢仲有個稱號叫「港姐殺手」，其實唔止港姐o架，佢都仲有同其他界別嘅靚女傳過緋聞。李施嬅：與Philip於10年相戀，低調拍拖一年。李施嬅舊年仲為杏兒婚禮做姊妹，兩人完全冇芥蒂。張曦雯：Philip前年在夜場Play開生日會，張曦雯如女主人企喺Philip影大合照，不過兩人拍拖時非常低調。陶枳樽（CrzTo）：上年6月有報道指Philip趁杏兒北上拍劇到酒吧狂歡，期間與翻版「栢芝」CrzTo玩得相當熟絡，風騷熱情嘅Philip仲試過輕撫CrzTo手臂。
Joy：今年Philip去台灣出席朋友婚宴時，被指有富婆Joy做導遊，帶住佢遊山玩水。之後更指朋友婚宴當晚，杏兒神秘現身突擊檢查Philip，杏兒其後表示認識Joy，兼且完成工作有時間趕赴婚宴。
來源:
http://hk.apple.nextmedia.com/entertainment/art/20160816/19738237
為阻馬明埋身 洪永城做阿四日夜黐實唐詩詠
1 :
GS(14)@2016-08-17 08:01:30「不能錯過的女友」唐詩詠…雖然同洪永城拍拖直今，早幾個月傳過洪永城趁女友唔喺香港，翻撻舊愛，令唐詩詠嬲嬲，幾經辛苦o氹番女友，兼晒合照力證情不變，不過外界一直覺得佢跟契哥馬國明襯啲，馬明出席公開場合亦不時讚唐詩詠係一個好女仔，昨日有周刊指，洪永城都呷醋，唔止多咗喺網上提起女友，即使要開工，都去探女友班。據報道指，唐詩詠因為要照顧年老嘅爸爸，拍拖初時只係間唔中去洪永城位於西貢嘅屋企過夜，有傳係洪永城同時要趕開工，喺男友哀求下，唐詩詠亦多咗去西貢新居留宿，而且洪永城為咗趕絕情敵，就算開完工幾攰，佢都照陪唐詩詠去睇戲、上月仲一齊睇林海峰talk騷，盛傳馬明有時會去片場探唐詩詠，甚至接收工，洪永城為阻馬明，早前見女友喺將軍澳廣場拍外景，洪永城忽然去探班，全程照顧女友，又摸唐詩詠頭髮、主動為女友拎手袋，又幫女友影相，發現有記者，唐詩詠即叫男友走先。另洪永城亦愛屋及烏，知唐詩詠係孝順乖乖女，就連唐詩詠嘅親友都照顧埋，上周五朝早6點揸車去接唐詩詠嘅親友，先再返屋企休息。
來源:
http://hk.apple.nextmedia.com/entertainment/art/20160817/19739835
【港姐殺手】Philip多女埋身
1 :
GS(14)@2016-09-29 08:05:37Philip未與胡杏兒結婚前，已在演藝圈中有知名度，他於蘭桂坊開夜店認識不少圈中人，亦與李施嬅和張曦雯拍拖，被指性格花弗，獲封「港姐殺手」。婚後的Philip與杏兒人前甜蜜恩愛，不過今年5月，他在台北出席友人婚宴，有指杏兒知老公與富貴台女Joy同遊台灣（圖），即「突擊」婚宴當眾攬錫宣示主權。上月中，Philip又出動與選港姐出身、楊明女友莊思明及另一個女友人，到蘭桂坊嘆私房菜食足三粒鐘，更安排七人車齊齊走人，有風度得毫不避嫌。
來源:
http://hk.apple.nextmedia.com/entertainment/art/20160929/19784814
冇嘢緊要得過搵錢方中信謝絕強國女埋身
1 :
GS(14)@2016-10-16 08:20:04《律政強人》今日大結局，苦等良久，終於正式有第一場法庭戲。可惜，End with the beginning。呢場法庭戲，仲係張強VS KC，真係睇預告都已經心感興奮。劇集播完，方中信亦早已重返其賺人仔世界。無法子，大陸片商出得起錢，無綫出唔起。其實現實中嘅方中信，都相當「張強」。即係，佢同張強一樣都好鍾意錢。最緊要係搵錢。女人想埋身？好難囉。昨日有周刊出咗方中信嘅專訪，同大家分享一個師奶fans們好關心嘅問題——北上開工嗰陣會否好多女埋身？答案係：不會。53歲嘅方中信，於訪問中斬釘截鐵表明，自己一屋女人要照顧：老婆、8歲嘅女、媽媽、家姐，冇嘢比搵錢更重要。方中信講到明，唔會俾任何事影響到佢、令佢搵唔到錢，而佢亦都相當清楚一樣嘢就係，喺大陸，係有好多誘惑，但方中信肯肯定話俾大家聽，佢絕對係唔會同其他女星「有一手」，俾桃色事件拖跨佢搵錢機會。方中信話，雖然佢喺一年裡面，有半年係喺大陸開工，但拍劇閒餘時間，佢絕少應酬，通常同演員食完飯就返家(酒店)。每晚六點，身在香港嘅老婆同個女就會坐定定開定視頻(應該係Facetime啩…)打俾方中信，方中信就影下周圍環境俾妻女睇，最緊要係要令莫可欣知道，佢同邊個食緊飯。「一子錯，滿盤皆落索」，方中信表示自己深明此理，所以，即使一支公長駐大陸，佢都唔會做錯事。「唔想為一時興奮冒呢個險。」仲話自己五十幾歲人，唔想搵一個「小鮮肉」親近。各位師奶fans，可以唔使為莫可欣擔心喇。
來源:
http://hk.apple.nextmedia.com/entertainment/art/20161016/19802491
索女黐埋身 陸永老婆出招箍實
1 :
GS(14)@2017-01-02 16:59:332016-12-21 EW
去年，饒舌組合「農夫」跟Do姐鄭裕玲去shopping ，憑轉數快及鬼馬口才成功入屋。成員之一的陸永，更一連在幾齣劇集擔重戲，人氣急升之餘，密密接拍廣告和出騷，做到冇停手，收入豬籠入水。
愈搵愈多兼愈來愈受歡迎，陸永連女人緣都變得暢旺，雖則家有嫩妻和兩個女，但仍不乏「飛來蜢」索女主動埋身。本刊發現，陸永老婆Reina就醒目做足「防禦」準備，每日管接管送、限時限刻老公放工後即刻返屋企，實行「妻管嚴」。
瘋狂吸金
一一年，陸永（原名：陸永權）與從事地產經紀的女友Reina（陳莉娜）奉女成婚，婚後三年抱兩，大女一穎今年四歲、細女一心今年三歲，一家樂也融融，幸福到痺。
由去年的無綫旅遊節目《Do姐去Shopping》開始，陸永和拍檔C君（鄭詩君）的人氣迅速飆升，有Do姐鄭裕玲帶挈，繼續拍住上做《Do姐有問題》、大型節目「港男」等的司儀，外面則狂接廣告和出騷。據知，「農夫」兩位一體的廣告價高達八十萬，每次亮相商場活動即袋十萬，兩人密密做，保守估計過去一年，各自瘋狂吸金逾四百萬。
近一年，兩人的工作放重於無綫，難得在劇組方面，一樣備受睇重，特別是陸永劇接劇開工，之前在劇集《殭》和《幕後玩家》的演出，即使並非擔正，但角色勁搶，緊接《幕後》播出的《流氓皇帝》，他再有份演出鎮長之子，簡直是洗腦式讓觀眾留低印象，陸永狂吸粉絲外之餘，更進一步提升人氣。
陸永雖非靚仔，但人紅自然多女埋身，加上他平時口花花似「啷過油」，?得異性垂青絕非難事。本刊發現，陸永老婆Reina似乎亦意識到危機，近來對老公的監控，亦變得愈加嚴密。
管接管送
數月前，陸永一家由西貢地下村屋，搬到將軍澳馬油塘村全幢三層高的村屋，愈住愈大租金也相對「乸脷」，月租逾三萬元。另外，Reina又游說老公打本近百萬做生意，投資一間美容院，讓她做老闆娘，無非是keep盡老公錢，免得男人有錢就身痕。
而且新屋，距離陸永經常開工的將軍澳電視城更近，本刊發現，Reina常常親自駕駛座駕，到電視城管接管送。此外，由於車程短，老公收工之後，大條道理必須準時返屋企交人，不讓他有機可乘。
日前，記者發現，陸永於電視城開工踩到凌晨三點，收工時於大門外被一名索女主動撩傾偈搭訕。不過，平時活潑健談的陸永卻似有所避忌，匆匆跟對方寒暄幾句便打發了對方。原來，老婆大人Reina又專程揸車到來接他放工，之後他亦快跑跳上座駕，隨老婆返回寓所。
縱使外面「小三」橫行，但屋企有兩個寶貝女一穎和一心，大女遺傳媽咪靚樣、性格單純，細女則古靈精怪，完全綁住廿四孝老竇陸永心，想他眼尾瞄其他「女」都難。
據悉，陸永如要出埠開工，每日例定會以視像跟兩個囡囡通話，而Reina亦同時可以遠距離實老公，陸永就肯定冇女埋到身啦！
C君好事近
「農夫」的另一位成員 C君（鄭詩君），跟在港台任職DJ的女友黃天頤相戀，轉眼間已經三年。
近來人氣拍住陸永爆旺的C君，一樣愈住愈豪，月前更由西貢南圍的村屋，搬到荃灣新豪宅「壹號九龍山頂」，一個月租三萬逾千呎的單位，與女友過同居試婚的生活，怕且亦就快好事近。
不過，有報道指出C君有意買貝沙灣的海景單位，作為婚後的愛巢，可惜目前樓價依然高企；加上有玄學家叫他一八年才好結婚，故他的婚事才會繼續拖延。
撰文☆錢慧 攝影☆吳子生、楊北鉅 設計☆黎志堅
日韓偶像襲港 池昌旭禁Fans埋身小嶋陽菜親民出冧招
1 :
GS(14)@2017-04-10 23:36:11昨日香港機場認真熱鬧，日韓明星輪住襲港，當中日本女子組合AKB48的人氣成員小嶋陽菜，以及韓劇《奇皇后》男星池昌旭分別抵港，雖然兩人同樣親民，但池昌旭就不及陽菜「貼地」，陽菜棄行VIP通道，由落機到上車全程冧粉絲，親切程度爆燈。小嶋陽菜已定於下周29歲生日正式退團，她趁退團前再度訪港，並於今日在九展舉行粉絲見面會。
■由落機到上車，小嶋陽菜全程被粉絲包圍。
抵埗即飲茶醫肚
昨午陽菜率先抵港為見面會準備，並獲半百粉絲接機，陽菜選擇於接機大堂現身，又識做地為粉絲簽名、收花及合照，粉絲齊聲以日文大嗌陽菜名字，陽菜受訪時表示：「今次最後一次以AKB成員身份來港，除了舉行見面會外，更想品嚐香港美食、觀光及Shopping。」之後陽菜在保鑣的包圍下步行到停車場，沿途粉絲一路死跟，陽菜亦友善地揮手回應。陽菜下午先去飲茶醫肚，傍晚前往淺水灣觀光，又透過Instagram直播自己拋銀仔進鯉魚口祈福的過程，可惜卻全部落空。
至於昨晚在九展開粉絲見面會的池昌旭，昨午從馬來西亞飛來香港。近百粉絲就帶定橫額到現場接機，趁Oppa今年入伍前最後一次見偶像。而池昌旭在工作人員陪同下步出VIP接機通道，因現場設置鐵馬，所以粉絲準備的信、公仔都未能送到池昌旭手上，不過戴住黑超的池昌旭心情好好，不停向粉絲揮手打招呼，更照顧企在對面的粉絲，特地企上車揮手示好。採訪：文凱靈攝影：陳順禎
■池昌旭昨抵港走VIP通道，令港迷（右圖）冇機會送上禮物。
來源:
http://hk.apple.nextmedia.com/entertainment/art/20170410/19985056
一埋身即中招蔡思貝緋聞男友多到
1 :
GS(14)@2017-07-01 09:53:41蔡思貝自2013年當選港姐亞軍後，順利簽約成為大台旗下藝員，入行4年，緋聞男友數目一隻手都數唔晒，幾乎同佢合作過嘅，都難以逃過蔡思貝嘅手指罅……
崔建邦
近年轉形象，以打拳男正面發展嘅崔建邦，喺同唐詩詠分手後，一度同蔡思貝名字搭上。話說蔡思貝備受高層重用，但係經驗不足，經常NG，更有傳佢被拍檔林曉峰明窒明耍，仲講到蔡思貝匿埋喊，另一拍檔崔建邦見狀不單止開口護花，有次兩杯落肚後仲明言冧蔡思貝。
洪永城
同崔建邦一樣、曾經係「絕世好女友」唐詩詠前度嘅洪永城，喺舊年仲未單身時，被目擊放假時約埋蔡思貝去做運動，搞到唐詩詠嬲豬嗌分手，最後洪永城成功箍煲。不過，到今年洪永城同唐詩詠真分手時，有傳因為係蔡思貝做第三者介入，但當時洪永城否認，仲話「思貝係我同事、朋友」，亦表明大家係同事，唔會避嫌唔見。
沈震軒、羅仲謙
蔡思貝擔正演嘅《衝線》，一次過「搭上」兩位男主角，沈震軒及羅仲謙。當時仲未結婚嘅謙謙，有傳劇組到台灣拍外景時，蔡思貝主動黐實謙謙，搵到楊怡嬲豬，累謙仔被楊怡趕出家門。另有指蔡思貝喺拍劇期間，姣電沈震軒，令眾人眼中嘅cool man融化。
周志文
另一個喺拍《衝線》時已經同蔡思貝傳緋聞嘅人，仲有周志文，雖然舊年蔡思貝身陷虛報學歷及戲屎等醜聞，但都無礙佢收兵，有指佢趁正印男友麥秋成赴京公幹期間，背住男友同周志文去睇三級戰爭片《絕地戰場》，深夜更殺上男方位於藍田300呎公屋，孤男寡女喺斗室共處18小時。
鄭俊弘
因處理感情不當導致人氣下滑嘅鄭俊弘，喺2014年曾經被傳獲蔡思貝力追，有讀者當年向《蘋果》爆料，指當時與姜麗文拍拖嘅鄭俊弘，唔敢公開承認戀情之餘，另一邊廂仲同主動出擊倒追自己嘅蔡思貝孖住去睇台灣組合蘇打綠嘅演唱會，而蔡思貝頻頻藉捧場冧暈男方，包括對方擔任演唱會嘉賓，或出席活動時，都見蔡思貝到場支持。
溫家偉
與「大隻仔」溫家偉被影到拍拖到先達修理iPhone，另又被拍到收工後與大隻仔嘆茶時並肩而坐，更獲男方做柴可夫駕車接載，不過溫家偉回應緋聞時話過：「乜佢有男友㗎咩？同佢係好朋友，呢行好難得可以同女性做朋友咁close，同佢好似sister咁。」
來源:
http://hk.apple.nextmedia.com/entertainment/art/20170629/20072845
Next Page