又有社會名人「被執包袱」,無講錯,係被動的,在電視機看到紙皮箱已經pack好,直送到當事人家中,作為打工仔,只能夠講一句:So sad!
打咗咁多年工,見盡悲歡離合,甚至見過人突然死亡:Annual Diner仲好地地上台領獎,無幾日就人去位空,真係涼薄!
總結多年來見到有人炒魷(包括自己),理由都不出以下九項(可選擇多於一項):
1. 公司唔掂,裁員
2. sales唔到數
3. 做咗犯法野
4. 得罪咗高層
5. 得罪咗好多人
6. 亂搞男女關係
7. 對內/對外講錯野
8. 偷公司料賣比人/自己用
9. 純粹因為就黎夠十年(要比長期服務金)
如果只係衰其中一樣,已經危危扶,有時見啲人衰幾樣,都替佢地擔心。
但係又見過,有啲人九樣中咗五樣,都唔死得呢個世界真係神奇!
打工有時又真係無乜保障,一份工做到五年已經算係萬幸,十年就簡直要燒香還神。
咁無計,唯有留多幾條後路,真係Motorola,可以去煮野食拮魚蛋囉!
P.S. 咦?又話係十大理由既?原來即使上面九個理由,都不及screen cap那個理由!