| ||||||
收費電視推銷手法屢遭詬病，有now寬頻電視推銷員向讀者力銷美國職業籃球聯賽NBA收費頻道，聲稱「每日有幾場球賽睇」，豈料讀者收看時始知，頻道所播的絕大部分為廿年前的經典球賽，直播球賽每日只有一場，大呻被騙。 周先生為電訊盈科旗下now寬頻電視訂戶，本月初搬屋遂向now申請搬遷服務，推銷員順勢力銷他加裝收費頻道NBA TV，收看獨家轉播的美國職業籃球賽，「職員話每個月加六十蚊，就每日有幾場波睇，好抵。」周先生認為每日可收看數場即日籃球賽吸引，遂答應加裝頻道，並經電話確認簽約兩年。不料安裝後，周始發現頻道內容貨不對辦：「又話每日幾場波，原來得三場！一場係前一日嘅舊波，一場仲係成廿年前嘅！每日只係得一場當日球賽，我覺得佢係誤導我！」 跟進now職員承認出口術 now寬頻電視於一○年十月宣布與營運NBA的美國國家籃球協會簽訂協議，由二○一一至一二年度賽季開始，獨家播放NBA賽事，其中NBA TV頻道號稱全日廿四小時播放NBA及WNBA的籃球賽事。不過根據節目表，NBA TV每日其實只得一場直播賽事，並於當日重播三次，其餘節目多為雜誌式賽事重溫節目如《NBA內望》、《NBA傳真》等。記者放蛇向街上now推銷員查詢NBA TV頻道詳情，職員坦言該頻道主要播放花絮，其實「無咩嘢睇」，並力銷記者安裝更貴的體育頻道組合。 回應職員認錯取消合約 記者與周先生一同以三人會議方式致電now姓盧的推銷員，周先生質問盧：「你當初同我講每日有幾場波睇，一個正常人都會感覺到你當時係指每日都有即日球賽啦！而家原來唔係嘅，一日得三場，仲有兩場係舊嘅！你自己話，你咁sell係唔係誤導？」盧即承認做錯，坦言當日「做得唔好」，並承諾向公司市場部取消周先生訂購頻道的合約。電訊盈科發言人回覆時則強調，職員在推銷時已清楚表明該頻道不會直播全部NBA賽事，事主當時亦表示理解；公司接獲投訴後，已即時聯絡事主，並指事件已圓滿解決，但未作詳細解釋。 （陳凱敏） 壹判官 now職員推銷欠周詳，令事主在誤解下簽約；消費者要避免墮入陷阱，幫襯前記得要問清楚服務內容！劣劣劣（五個劣為最嚴重） | ||||||