中環在線：顧明均請自助餐股東投票 李華華
|
|
私 有化兜兜轉轉嘅南太電子（2633）噚日喺中環四季酒店筵開10席，邀請約80名小股東食自助餐，講解私有化計劃，大會仲奉上一份投票表格，又叫股東留個 電話方便日後聯絡。大股東兼非執行主席顧明均（圖）喺開餐前，搞咗個問答環節，重申提出私有化係因業務前景麻麻，自己年紀又大，只能維持守勢，除咗牌兼完 成系內重組，一年可以慳番200萬美金嘅上市行政費用。佢呼籲小股東記住投票，唔表態就等同投反對票，總之贊成同否決都最好出聲。
有小股東問佢，股市最近 升番咁多，但南太04年招股價係3.88元，要求提高私有化作價。顧老就企硬話，南太嘅私有化作價已經較其他公司高，喺金融海嘯己經好好咁話。顧老之後滿 場飛，仲同記者講，上次私有化只係相差1.54%股權，有信心今次重提會成功。
|
Next Page