ZKIZ Archives


「唔做咪零囉」 OL辭職保家園

1 : GS(14)@2016-06-06 02:49:34

【本報訊】馬屎埔村收地抗爭中,區晞旻(Becky)老是常出現。Becky小時候的生活,不是赤腳走進別人的田中耍樂,就是看動物蠕動,「睇住蝌蚪生啲腳出嚟」。長大後她曾經在中環當白領,朝7晚7、每日出外吃ABC餐、吞下味道欠佳的內地進口食材,市區生活令她無從適應。本想辭職的她,遇上政府新界東北發展計劃諮詢,安身之所變成發展重地,令Becky毅然脫下西裝裙,重返馬屎埔保衞家園。自從恒地取得法庭禁制令以來,Becky全天候死守馬屎埔。在記者與Becky攀談期間,每當村口有陌生人經過,她就會很警惕,眼睛緊盯陌生身影,直到確認並非恒基地產的人來收地,才放鬆下來。她記憶中恒基早在1996年開始收地,自此寧靜和諧的馬屎埔村悄悄起變化,一些地產經紀入村游說老村民小地主賣地,當時無人知曉該批經紀是恒基的艇仔公司,「佢哋講好多不盡不實嘅嘢,話『你仲唔賣啊?遲啲政府嚟收地你仲少錢啊!渣都冇得剩!』」



日漸剛強 「多謝四叔」


這一招相當奏效,馬屎埔村住戶在這20年間,由高峰期幾百戶銳減至現時不足百戶。村內偶爾可見坐在屋內外乘涼的老人,但更多人去樓空的廢墟。百戶中有三代務農的中堅分子Becky一家,他們住在村中心,旁邊有幾塊田,區媽媽收割通菜,區爸爸在另一端照料農作物。日照直射,曬得眼睛也睜不開,被尼龍防蟲網罩住的田野夏季高溫可達40℃,在裏面種菜,誰受得了?「做農夫係超級辛苦㗎!你要俾蚊咬,田上面有好多小昆蟲小動物,蛇蟲鼠蟻乜都有」。不過她認為在城市工作一樣有難處,「你喺辦公室有啲人係好麻煩,仲要handle唔同人(事關係),你又冇得郁,對住電腦8個鐘唔知做緊乜,仲要睇你老細口面」。Becky一邊笑,一邊隨意把雙腳晾在紙箱上,「雖然可以嘆冷氣、着靚衫,但返工要用好多錢,食飯搭車買衫,係用錢去換生活」。回首村口挖土機,政府發展步伐從不歇息,那麼抗爭是否徒勞無功?Becky指,曾有人說守護馬屎埔「好難、唔得㗎喎」,不過「做咗未必得,但你唔做坐喺度,咪零囉!」雖然疲倦、不開心、不知所措情緒不時來襲,但她從未因收地勢在必行而放棄抗爭,「我哋做咁多嘢,唔係諗最尾點樣走,而係搵個方法留低」。由從前「鵪鶉、唔識講嘢」,到今天淡定面向公眾,Becky越戰越強,戲言要歸功恒基,「多謝四叔!」■記者袁楚雙





來源: http://hk.apple.nextmedia.com/news/art/20160603/19639190
PermaLink: https://articles.zkiz.com/?id=301724

Next Page

ZKIZ Archives @ 2019