中環在線：味千CEO無懼豬流感 李華華
|
|
近月全球豬流感肆虐，搞到好多人唔敢坐飛機，驚喺密封地方容易領嘢，不過，味千中國（538）行政總裁潘慰就好少理，為咗去巡舖，順便再周圍試吓其他食品，睇吓有冇得做，結果喺上個月都係咁通處飛，搞到成個月裏面，無喺一個城市留多過7日。
巡舖四圍飛
就 好似上個月尾，佢應中華兩岸連鎖經營協會邀請，飛咗去台灣考察4日，又食地道牛肉麭，又去食西餐，仲要去埋「夜店」（係台灣《經濟日報》用詞）睇o忝！佢 話此行主要係去台灣發掘人才，始終台灣消費市場相對較細，冇投資嘅迫切性咁話喎。華華仲聽到，曾經喺「2008年胡潤餐飲富豪榜」度坐過大陸餐飲女首富寶 座嘅潘慰，o依家仲喺歐洲讀緊個CEO課程o忝。睇嚟潘慰嘅飛行哩數，大大話話應該夠來回火星幾次有多。
|
Next Page