2009-05-20 AppleDaily
| ||||||
| 市 場不斷為落後股搵題材，例如「上海」兩個字就係炒友天堂。炒到o依家，好多炒友開始唔明點解香港地產股唔係隻隻肯大郁，但係恒隆地產（101） 昨升6.1%、嘉華國際（173）升7.8%、嘉里（683）、保利達（208）升13%、華置（127）升6.8%，犀利過好多重磅股。無他，只因大牛 龜升晒上嚟，好多因素都已極速反映，退而求其次，氾濫嘅資金絕對唔介意冒多啲風險，搵一線尾二線頭甚至二線尾三線頭嘅分子，務求食住個勢，追多一點回報。 恒隆地產近年發展重心轉至內地，以集團上半年投資物業租金增長比較，香港增長9%，上海增長23%，上海佔整體租金收入41%，為集團半年貢獻7.03億 元收入，邊際利潤優於香港，位於上海市中心兩幢商用物業恒隆廣場及港滙廣場佔盡地利。 炒上海澳門概念 至於嘉華國際，同樣於淮 海中路擁有上海嘉華中心39.6%權益，出租率近百分百。同樣地，華置於徐滙區淮海中路亦擁有一座愛美高大廈收租。從以上幾家地產商於上海擁有之落腳點及 發展中項目可知，他們的積極程度不下於大地產商。除了主流內房股之外，上海含量較高的本地發展商亦絕非池中物。假如你不熟悉上海，對今年回歸10周年之澳 門可能會較有把握。澳門正準備改朝換代，中央送大禮絕不出奇。澳門主流概念不只賭業股，仲有地產股。澳門總面積只有27.5平方公里，保利達擁有1百萬平 方米土地儲備，而且大部份地盤毗鄰即將興建之港珠澳大橋，你話筍唔筍？有啲股票係升得有道理嘅，打開年報或者親身視察都唔難啫！胡孟青 | ||||||