窮小子的置業考慮笨發

Random Tags

兆誠年幼石油管敘伊產商 0898 逼又兆輝輸陣接踵電吃萬表海權德信卓全父中亢龍姐認炮播 Protection 頭建幣存 0682 Beauty 舞不仁利官批了玩四散港勢主袋 Roseonly trivago 搵出請記白思誌給鋪打負義因同資費核彈頭東圓護犬探礦熱映遭一民主國泣訴狗識

襯著Yahoo Blog關閉，都係時候整理下Ｄ舊文（多謝老脫提供機會）。

觀點建基於初畢業，冇乜家庭支援的後生仔（即係以前的自己），買樓自住或投資有以下特點：

你要用盡儲蓄，出售股票做首期，即係成世人為層樓同銀行打工。沒有一筆資產去錢搵錢。供完都四十幾歲，剩低既錢少過當初有舊錢
你唔會買舊樓，因為按唔足，估價不足，而且要勁維修。但租樓可以租舊樓（平過你供新樓多多聲），一切維修關人，就算塌樓死左人都唔洗賠錢
諗下你呢廿年要俾幾多按揭利息
做業主要諗掂埋管理費、差餉、地稅及保險等。坊間所謂的投資物業，回報有幾多%只是bullshit，連香港要交物業稅都冇提過，加上不能預期層樓個個月租得出兼準時收租，扣除風險溢價，分分鐘回報只得2-3%，仲低過債券
通常買樓的最強論點，係供夠廿年後層樓就係你既，唔洗俾租，可以退休食啖安樂茶飯。然不知樓係會折舊的，除非你買中真正的豪宅（唔係d乜乜六星級工廠區酒店住宅）。樓同人一樣，會經歷生老病死，到你退休時，樓雖供滿但維修各樣雜費只會越黎越多，加上本身醫療開支大增（買偉哥都要錢啦…），手上現金只會急速下降。

當然，置業有著本身的絕對優勢，那份滿足及優越感是不可被取代的。本身我都好想買樓，然而，我們要分清楚「居住」並不等於「置業」，過早的置業，如10%首期（即係十倍孖展），同係澳門賭身家冇乜分別（可能更危險，因為有機會買入劣質資產，輸突）。

P.S. 事後睇返當年(2006年)的觀點，係典型的市場主流睇法（窮人思維），好彩後來自己因時制宜，改變左策略，否則真係成世租樓住！