ZKIZ Archives


中環在線:鄭大班「買樓好過買股」 李華華


2009-03-18  AppleDaily





 

滙控(005)嘅世紀供股係咪去馬,明日揭盅。噚日,滙豐亞太區主席鄭海泉出席理財講座,同200個學生哥分享理財心得,順便講吓童年往事。

鄭 大班駕到,學生哥自然唔放過問佢搵銀之道,有人問佢o依家存款利率咁低,會唔會建議同學拎儲蓄出嚟買股票,或者買滙控供股權?鄭大班話自己100%支持供 股,但冇將大部份資產放喺股票,反而建議中學生儲起六成零用錢,買樓做業主,因為冇瓦遮頭個人會好唔穩陣。喺滙控股東議決供股前,鄭大班居然教人買樓好過 買股,華華諗,咁算唔算倒米?

不過學生哥真係要喺股海中尋寶,鄭大班都唔阻人發達,仲送埋投資錦囊──「買股票要小心,一定要睇公司核心業務,千祈唔好博。」

其實鄭大班咁語重心長,係知道搵錢唔易,佢話細細個就因為想食雪條搞到要行路返屋企,明白要享受就要犧牲,領略到儲蓄嘅重要性。

穿膠花遇無良僱主

佢 仲話試過做童工,穿膠花賺零用錢,點知遇到無良僱主,將穿好嘅膠花交畀老細之後,僱主竟然話少咗兩磅,唔畀錢之餘仲要佢賠錢收場。講完錢,鄭大班話當年畢 業後有幾個offer,最後揀咗入滙控,無非為咗攞100%買樓貸款。華華諗,最開心梗喺班地產商啦,不過滙豐早排高調推出定息按揭搶客,唔知佢係咪諗住 搶攻埋學生市場呢?李華華LiWaWa@AppleDaily.com



中環 在線 大班 買樓 好過 買股 華華
PermaLink: https://articles.zkiz.com/?id=6783

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019