| ||||||
| 香 港老牌家族施懷雅同嘉道理，旗下嘅上市公司相繼公佈業績，喺金融海嘯下，兩大家族都收少咗股息，但嘉道理略為跑贏。太古08年度業績倒退近八成，股息都要 縮水，太古A（019）同太古B（087）全年分別派息每股2.38同0.476蚊，大股東施懷雅家族袋13.7億銀。 中 電（002）業績微跌咗2%，派息不變，雖然旗下大酒店（045）減咗5.6%股息，但嘉道理家族都收到1.37億，加埋中電嗰16.84億銀股息，夾埋 有18.2億銀。施懷雅家族係約克郡人，早喺19世紀初就到中國做生意。今年初，佢哋安排新任接班人上位，家族掌門人施雅迪大仔、35歲嘅施銘倫 （Merlin Swire）做非常務董事，佢嘅能力家陣未知，不過相信大小股東都寄予厚望。同樣喺本地有百年歷史嘅嘉道理家族，係早期來港嘅猶太人，最叻做生意，睇佢哋 搞中電同大酒店兩瓣業務風馬牛不相及，都做到咁好成績，尤其中電08年業績超出預期，賺成百億銀，大股東自然袋袋平安。 兩大老牌外資家族收息比較 - 嘉道理家族- 直接持有上市公司中電、大酒店中電持股：6.79億股大酒店持股：8.08億股中電08年股息：2.48元大酒店08年股息：0.17元中電變幅：不變大 酒店變幅：-5.6%中電收息：16.84億元大酒店收息：1.37億元合共收息：18.2億元-施懷雅家族-直接持有上市公司太古A、太古B太古A持 股：1.66億股太古B持股：20.4億股太古A 08年股息：2.38元太古B 08年股息：0.476元太古A變幅：-26%太古B變幅：-26%太古A收息：3.95億元太古B收息：9.79億元合共收息：13.7億元 | ||||||