| ||||||
12月漸入寒冬，又到咗食蛇季節，噚日華華同一眾行家與恒生保險行政總裁李哲恒（Alvin）齊齊食蛇，席間發現Alvin入行經歷原來都幾傳奇。 阿爸反對做sales 話 說Alvin大學時代揀咗讀電腦，以為有科專業喺手穩穩陣陣，點知畢業之後先知出事。嗰陣經濟環境唔好，完全搵唔到電腦相關工作，寄出30幾封求職信都冇 回音，千山萬水先等到有一間AIA友邦保險回覆，當時又搵唔到第二份工，惟有焗住頂硬上。不過，爸爸媽媽一聽到佢要做保險，就極力反對，認為辛辛苦苦讀完 大學，有個學位喺手，邊有可能做保險sales先得o架，差啲要脫離父子關係。睇番轉頭，華華就話好在嗰時Alvin冇轉工，如果唔係就未必做到CEO 嘞！ Alvin仲話最經典莫過於賣員工保險畀和記傳呼，當年佢心口掛住個「勇」字，着住套老西單拖走去龍蛇混雜嘅旺角，幾經辛苦至做成單生意。 | ||||||