ZKIZ Archives


青心直說:草根智慧堅過分析員

1 : GS(14)@2011-09-08 22:23:33

市況唔樂觀,人人只睇一兩日,甚至乎講到明連一、兩日都難睇。大孖沙又點睇?一言以敝之,雖然睇得香港不太差,但一定就好不得。

古靈精怪香港地,施政報告出爐兼政府換屆前,難得有疑似為地主會站台人物頻頻現身,難道有一門新生意較踎投行做明星分析員及基金之星更吸引?表面得體卻可能因經驗未足而變得有點着迹和硬銷。

明星分析員搞對冲基金成績如何,問幾位有參與認購該類基金之大客仔就知,又或者問
個客嘅 RM(客戶經理),假如他或她肯講的話,就多半會聽到媽聲四起,事關以分析員思維做基金經理,會慣性出現好多思維謬誤和障礙,當然市場上亦有不少基金經理成功克服此心理障礙,最終成功蛻變。

內地保安炒期指耍家

有文章指出,內地人當中玩期貨最賺錢的,原來多來自保安員行列,保安工作考驗即時應變能力,決策要快,不容思前想後,思考模式自然較簡單直接,原來有時接收資訊越少,就越不會受周邊噪音左右,或會更忠於自己的決定,因為身邊根本唔夠噪音。
反觀終日埋首於一大堆數據與比率指標的分析員,明星又好鵪鶉也好,可能就係因為衰在唔夠草根,好多人讀得書多,就以為同級數人物說話才是金科玉律,原來有時或許他們當作耳邊風的阿媽話乜話物,反而可以成為好重要之草根智慧,洗頭水改裝潢不加價,瓶子只是原來的 75%;阿 B下午茶提子包,體積不變,包內麪粉含量卻減少。
阿媽話外面超市減價,竟然未再如過往般出現師奶搶購潮,難道班師奶在高位持有好多炒人扮優化的滙控( 005)?遇上如此陰乾式「閹市」,掃平貨不如索性控制消費食完再買,多個錢傍身。經濟有幾差,不用多講。

胡孟青
獨立股評人
2 : GS(14)@2011-09-08 22:24:13

http://www.inv168.com/phpBB3/viewtopic.php?f=48&t=64725明星分析員搞對冲基金
黃國英, 張一嗚, 林少陽....

和青姐吵過架的是黃國英,
林少陽好長時間無消息
PermaLink: https://articles.zkiz.com/?id=275919

【堅過星爺】街頭人肉風火輪 63歲鄭叔有心有力

1 : GS(14)@2016-08-21 08:11:06

鄭叔連續轉咗12圈,真係睇見都覺得暈呀



「熱血」嘅嘢唔係好多人會明,就好似電影《激戰》入面,當張家輝決定再上擂台打MMA,佢老死黑仔(姜皓文)即爆晒青筋問「你癲夠未?!我都唔明你打嚟做乜?!」無錯,我哋見到「熱血」嘅人和事,第一個反應都可能會問「為乜?」不過,學戲中嘅張家輝話齋「我同你呢個年紀,仲有嘢需要人明咩?」



年屆63歲嘅鄭叔,柔軟度認真驚人,超輕鬆就擺咗隻腳去棵樹度!

玩咗街頭健身幾十年,鄭叔話最開心係識到呢班後生仔

呢招「人旗」(human flag),真係少啲臂力都做唔到呀

目測擁有44吋胸肌嘅鄭叔,今年已經63歲,咪睇佢o依家咁「勇武」,原來鄭叔細個嗰時身體好弱,所以佢就開始做運動強身健體。初初只係跑步游水,但天生跳跳紮嘅佢覺得跑步游水太悶喇,於是就開始周圍爬,點知爬吓爬吓,喺桿上做啲體操動作,咁佢就由十幾歲開始成為咗o依家喺外國好興嘅街頭健身(Street Workout)運動員喇。



鄭叔話自己最滿意自己個胸肌喎,目測起碼44吋,大家點睇?

天秀路公園係鄭叔放工必「蒲」嘅地方

倒立呢啲基本嘢點會難到鄭叔呀

本身做電工嘅鄭叔,一放工就會落屋企樓下嘅天秀公園同啲鋼架玩遊戲。除咗一般嘅街頭健身動作,好似「人旗」(human flag),即係兩手緊握垂直柱,將身體凌空90度;同「龍旗」(dragon flag),呢個動作由李小龍發明嘅一個腹部健身動作之外,鄭叔仲自創咗個絕技「風火輪」,就係呢個勁度十足嘅「風火輪」,感染到一班人哋眼中嘅「廢青」去跟鄭叔學嘢。幾年前,佢仲聯同兩個後生仔一齊創立咗 Barkids(街頭極限健身學校),身體力行推廣呢項運動。到目前為止,鄭叔嘅師兄弟已經超過100人。其中一位學員Zach驚歎:「我依家好有熱誠,但到我60幾歲一定冇鄭叔咁勁啦,有時玩到攰,見到佢仲轉風火輪,就好有能量。」



雖然鄭叔擁有一身好武功,但始終都唔係「十八廿二」,屋企人又點會唔擔心佢受傷呢?不過擔心還擔心,佢哋都好支持鄭叔繼續玩,只係間唔中「囉唆」幾句,太太得閒仲會陪佢一齊到天秀公園添。可能好多人會覺得鄭叔都一把年紀,不如玩番啲「輕擎啲」、又安全啲嘅運動,但鄭叔就話會玩到玩唔到為止,仲話運動冇講幾多歲:「生命在於運動吖嘛!」佢對街頭健身嘅「熱血」程度,真係勁過唔少後生仔!



街頭健身呢種極限運動先由東歐興起,雖然未列為奧運項目,但已經引起國際注目。2011年喺拉脫維亞首都里加、舉行首屆街頭健身世界錦標賽。佢係糅合健身、體操以及多人合作嘅運動,玩家會喺公園或街頭,利用公共設施練習。近呢兩、三年,本港有唔少青少年藉住睇一啲網上片段自學練習,現時香港都有大約百幾人玩呢種運動,主要年齡介乎喺16至30歲。除咗天水圍嘅天秀公園設有健身站,維園、屯門、將軍澳等都會見到一班街頭極限健身運動員。【Sam哥x林丹】屋邨仔進化機長憑羽毛球衝上雲霄 http://bit.ly/2aNJGfF採訪:植詠珊(Cathy)編審:懷鈺編導:Kaman拍攝:Neo、Kaman剪接:Roy




來源: http://hk.apple.nextmedia.com/entertainment/art/20160821/19744469
PermaLink: https://articles.zkiz.com/?id=306749

Next Page

ZKIZ Archives @ 2019