回應網友 - Peter (有感而發) 止凡
http://cpleung826.blogspot.hk/2013/01/peter.html收到網友 Peter的留言, 有關一些增進理財知識的問題, 開個新Post來回應一下。
Peter 留言:
止凡師兄:
其實呢個reply唔係好關你個post事,但有問題想請教下又唔知點搵你唯有係呢到comment,希望唔好介意。
其實我仲有半年就畢業, 依家放假就想學點投資理財,都問左好多人但想聽多d建議,有少少問題想請教下。
其實我不斷係圖書館借書睇, 一開始真係好辛苦。可能我本身major唔係business個邊, 書入面的term好多都唔明而個d書通常都比較學術化, 同埋d書成日話估值估值揾間好公司, 但具體點做真係唔知。請問你當時點樣由冇到有咁去學去投資?
我上年六月開始月供2800, 不過依家儲蓄差唔多冇曬停左, 依家留意緊市面上的實物ETF, 例如黃金, 中國地區等, 諗住第時返工再供。
基金我暫時唔係好想供, 始終覺得手續費貴。
有冇建議可以俾我d新手 :)
btw, 止凡兄你係唔係做土木工程啊, 我睇返你d post你好似係工地做嘢。我依家都有offer la 話唔定遲d會見到你, 哈哈
祝工作順利
Peter
止凡回應:
其實我好高興見到有網友留言, 若然寫blog而沒有網友留言, 總有點覺得自己跟自己說話似的。言歸正傳, 看Peter應該就來畢業, 這麼快就有理財概念實在難得, 不知有多少大學畢業生多年後仍是月光族, 炒炒賣賣, 更不會有財務自由的概念。
萬事起頭難, 記得當年我也是工程系畢業生, 對理財投資沒有太多概念, 更何況是會計學以及企業營運的理解, 因此對分析一家公司的價值實在不太懂。但出來畢業前一年以及工作後不久, 家中財政發生大問題, 家人欠債纍纍, 我作為長子就要負起責任, 對妥善理財有了追求, 所以話很多事情是迫出來的。
當時我工作了三兩年, 所有的儲蓄都要拿去替家人還債, 還要再加多三兩年的還款計劃才還完。經過這樣的低谷, 我的人生計劃變得更長遠, 對投資理財的知識追求更熱誠。慢慢地, 由一個完全不看課外書的人, 開始看看書, 一本又一本, 主要是看工具書, 看名人傳記, 找尋一些可以改變生活的書籍, 當我一直看, 我發現看書原來很重要, 有點後悔為何不一早開始。
如果你問我看什麼書好, 我會話什麼書都好, 好的壞的都看。當時亦沒有人教路, 看完一本, 說什麼估值不懂之類, 就找估值的教科書來看, 看不懂再找淺一些的來看 (當時我真的把幾本大學會計科的教科書讀完, 包括 Financial Analysis, Business Studies, Principle of Marketing等, 現在還在家中)。頭一年看不明白, 看到第二年, 再看到第三年。心想, 有傻勁的話, 三年時間, 讀多一個學位都夠時間, 有什麼看不懂呢?
能增進投資理財知識的要讀, 對工作有幫助的又讀, 對做人做事有改善的更要讀, 閱讀時儘可能虛心學習, 不要急功近利, 對概念性的書籍不應放棄, 對教授數字性的書籍又要研究, 翻十本、廿本, 有概念、有數字, 漸漸腦內的知識就能互通, 變成自己的絕學。
對於你問有關看什麼書可以教你實際估值, 我相信其實你不需要我幫助, 以你今天的學識絕對能找到答案, 只不過可能你想以最短時間追求結果, 這個可以理解, 因為這也是很多香港人要快的心態, 我怕這種急性會令你忽略了知識的真正價值。
我不是什麼大師, 亦跟你一樣在追求知識, 知識可以得到財富, 但知識絕對不只能得到財富。請相信我, 在書中慢慢浸浴吧, 你會有不一樣的人生。