開心上車盤 Home Blogger
http://www.homebloggerhk.com/?p=5121亨利: 是咁的,我同我女朋友下年結婚,依家o係九龍區租緊樓,月租$7.5K。兩口子月入共$40K多dd,扣除開支每月可以儲$14-15K。我同我女朋友手上有現金$220K,股票現值$200K,外幣現值$50K,冇負債(grant loan還晒)。因為今年租金升得好急,租金應該會加,假設加到$9K,相信我地都仲應付到。我地暫時冇生小朋友的打算(如果意外有左都會照要),但一直有置業的心,我想問,以我依家的條件,應該點部署好?我地之前有睇開樓,除左荃灣及大埔以北的地方唔考慮(因為太遠),有d咩地區係我地能力以內的選擇?target d咩類型樓會切合我地的需要?o係財務上的安排,我點樣可以預備得好d?
年青人嚮往一個人住係正常心態，係香港呢個咁細地方更易理解。 但凡事有代價，搬出黎住影響儲錢進度，就當你交完租仲有錢置業，都只能買次一級既樓房，影響投資回報。亨利現受加租潮所累，防守能力大減，每月要將家庭收入兩成奉上作租金。本blog不知不覺在半年間記載左許多人既買樓故事，願讀者花時間睇一睇，考慮湖清楚後才行事。
咁搬出黎住冇話唔岩，對一些人黎講更是必要的。首先建議佢地結婚同買樓唔好同時進行，當中之忙碌及複雜多令大家爭吵。諗樣認為你地要係結婚用少d錢，作首期買番間樓，作為你地未結婚先搬出黎住既compensation。當然講到compensation你會問「點解要係我!!!」。諗樣客觀咁睇以你收入確實難將買入高質素單位同豪華婚禮一齊進行，比我選我寧願婚禮用少d錢，只要有親朋到賀其實都好開心。
你地應該先買入一間銀碼細而有裝修既屋苑樓，原因係你可慳租、慳返裝修錢、第時又客易將間樓租出。記住通常人買第一間樓都唔係住成世，唔駛豪裝、最緊要第時租或賣得出。
好多人都要先屈就的，冇屋企人幫或強勁收入係2012年第一間屋真係連西九四小龍都唔使諗。你提既「荃灣及大埔以北」地區唔考慮，咁即係荃灣及大埔可否作考慮呢?? 荃灣中心就係一個上車盤，個404呎筆者有幾個friend都住過，而家都搬左去第度。其實流程就係先住細再將租金儲起，再將細屋租出換大樓，咁就有兩間，有心做既唔難。翠屏、九龍灣得寶、牛池灣新麗花園、荃德花園、沙田河畔、大圍金獅現時仲有二百幾萬既盤，你地可以比一成首期。打比喻買入兩年後跌兩成，其實你而家比四年租都等同呢個價，反而供左樓既錢，仲有一半係還本可儲起。
如果想住好些少請你入元朗睇下，自己試搭一下西鐵或巴士，其實冇你想象中咁遠的。將軍澳同元朗一齊去中環，時間唔係差好遠。至於買樓要注意既地方、我好似係幾個月前已講過。
你可能好frustrated點解間屋比你心目中細咁多! 我只能安慰你呢度就係香港，暫時忍耐。至於你財務上既安排，就係死儲爛儲! 同埋咁好諗住博一鋪買股票。搞好結婚同買樓，除非世界未日，否則你仲有成世人時間買股票。