| ||||||
近年經常都有富二代玩出禍，最轟動就係台灣有錢仔李宗瑞偷拍事件，但前車未有嚇窒香港一班富二代，好似林建岳二女林心兒，和莊士集團主席莊紹綏的細仔莊家淦，就繼續喪玩，仲要將癲喪相放上網公諸同好，小心惹禍。岳少千金 喪啜舔 林建岳和謝玲玲所生的兩子三女向來惹是非，大仔孝賢前年曾捲入酒吧襲擊疑案，而三女愛兒被爆跟何超盈有親密關係。出名貪玩又愛蒲的林心兒，繼早前在網上大晒33C水著後，愛show off的她又豈止咁簡單，攬女、伸脷、玩啜胸，相當意淫。 廿二歲的心兒在英國讀完時裝設計，年初才去美國洛杉磯的Pepperdine University讀心理學，書讀成點就唔知，但講到玩，呢位富家女唔係蒲精，都算係玩精。一班女仔夜蒲，心兒更加放下防線，著住吊帶喱士背心騷33C上圍，仲雙手自谷事業線俾女埋身啜胸，玩得未夠喉，有人揸住支大大碌熒光棒，心兒即伸脷扮舔，旁邊的女孩索性咬實，意識極度不良，靈感唔知係咪來自陳冠希呢？ 莊士太子 喪跳晒肌 家族資產有八十億的莊士集團主席莊紹綏，佢個大仔莊家彬因與傅明憲的姊弟戀出晒名，次子莊家豐今年亦因與紐約華姐郭萱彤，以及內地音樂才女林天愛的三角關係響咗朵；查實莊家一門三傑，仲有個剛於今年九月才加入集團董事局的孻仔莊家淦一樣「出色」。今年廿三歲的他，身形高大健碩，最愛晒肌肉，一班索女自然埋身攬實，他與朋友出海玩樂，一拖四女，艷福無邊。日光日白即使索女在身邊都未敢放肆，但到咗夜晚，兩杯到肚後，大隻仔終於按捺不住有所動作，跳上茶几跳table dance，仲high到蒙眼自摸，非常陶醉，看來大有超越兩個阿哥跑出之勢。 | ||||||