📖 ZKIZ Archives

何謂型男？講嘢 夠guts，幾多歲都係型男！卓能（131）主席趙世曾（圖），噚日俾記者問到點睇政府出招打壓樓市，趙生咁講：「落藥落重咗少少，香港政府同大陸一樣做 緊宏觀調控，等地產市場高高低低，好事嚟嘅；但係落藥比較重……印花稅嘛，加到8個（%）10個（%）就OK，唔需要落到15（%）……我哋睇長期嘅，有 啲措施係好，但唔應該一味出口術，出唔到口術就出重藥……」作為發展商咁坦白，型爆！

至於熱爆嘅南豐爭產官司，趙生話：「呢件事係好不幸！」佢又話同陳廷驊係識得嘅，陳生係好精明嘅人，但佢唔想講咁多人哋家事。

新地（016）郭氏兄弟決裂、南豐姊妹反目，單單精采幕幕新鮮。全港市民等睇戲，估吓下一家反面嘅係邊個望族。船王之後、自己亦已創一番事業嘅卓能（131）主席趙世曾話，絕對唔希望自己嘅仔女，第日都會係咁。

佢話：「我都有各種準備同分配，做得好仔細o架，三個仔女唔同媽咪嘛，更加小心啲同佢哋做好善後準備，唔可以馬馬虎虎……內容唔講得，而且遺囑隨時可以改得o架嘛，所以做得清楚啲，將來唔會有糾紛。」

做好準備免子女爭產

「每個人都希望自己事業成功，賺多啲錢o架，到咗下一輩就會產生啲爭產嘅問題，如果你無幾多財產，咁咪無人爭囉，大家兄弟姊妹反而和諧啲。」

南 豐陳家發生嘅事，趙世曾形容係「不幸」，「人生就係咁o架喇，你想成功，又賺多個錢，後面就會有啲咁嘅問題發生……o依家唔係淨係遺產嘅問題，係太太要求 離婚喎，唔使睇張遺囑都分咗畀你先喇，有份分遺產嗰啲梗係反對，咁睇吓個官點睇喇。照計太太要求離婚，無理由唔畀佢離喎，只係唔知佢嘅財產，有無做到入基 金入面，如果喺基金入面，太太都郁唔到。」

o依家仲係「單身」嘅趙世曾話，純粹以法律角度睇呢單嘢，因為人哋嘅家事，佢都唔清楚，雖然佢以前同陳廷驊好熟。

離婚後遺多現擁5女友

離婚可以導致俾人分一半身家，呢個可能係趙世曾唔結婚嘅最大理由，「我都有啲朋友係接近啲嘅（指關係親密、穩定嘅女朋友），但結婚機會就細啲，受制於香港嘅法律，如果婚姻失敗，會產生好多後遺症」。

「一個男人可以唔結婚，但仔女就一定要有，有啲人因為唔結婚而無仔女，就唔好……唔結婚都可以好happy，一種種人嘅choice啫，有啲人鍾意結婚，有啲人唔鍾意，我就屬於比較自由嗰種人，但係仔女一定要有！」

趙 生呢套理論都幾多人buy，至少城中兩大鑽石王老五──李澤楷同李家傑都係咁諗，只不過後者搞到有啲論盡。據趙世曾講，男人真係要步入戀愛嘅墳墓，四十幾 五十歲先係「適當死亡年齡」，千祈唔好後生結婚，佢教自己個大仔都係咁；但係open嘅另一面就出乎意料咁封建，「個女就唔同嘞，女仔一定要結婚，仲要越 早嫁人越好！」

單身自由到爆，但係又有仔有女，趙世曾已經做到，佢仲經常拖住唔同嘅女伴穿梭社交場合，咁樣亦係佢嘅養生之道，「做多啲運動，人生開心啲，交多啲女朋友喇……」最後，佢默認約有5個穩定嘅女朋友，其他拖住畀大家影嗰啲，唔係喎！

對股票專一九成長揸

趙世曾嘅「專一」似乎只適用於股票，而唔係喺女人身上。「基本上，我九成股票係長揸嘅。」但強調無話死古古，「起得快，就賣咁啲；跌得快，就買番啲；如果我揸嘅股票唔到價，就永遠唔會賣，係三個大原則喇！」

有無必殺技呢？「最弊係跌嗰陣，（如果）個個去搶，你又去搶；（如果）跌到嚇親，你又去『揼』，咁係無辦法翻本嘅……除非買到一隻好差嘅股票，否則好難5年10年都唔起嘅，好少好少……總之有得賺我會走，呢個世界無撈底呢樣嘢。」

呢 幾個月股市風高浪急，但係趙世曾話投資策略無乜變，唯一唔同嘅係投資組合，「以前係藍籌多，o依家係紅籌同H股多啲，佔一半以上，香港就買公用股收息，滙 豐（005）就長揸。」趙生最長情嘅，原來係大笨象而非美人，唯一同佢絕緣嘅應該係地產股，「地產股好，即係地產好；地產好，我做地產嘅都好，所以唔需要 揸地產股。」

講開地產，卓能嘅地皮好早買落、又唔係做地產代理，所以趙世曾可以準時5點收工去打波，「政府干預基本上係OK嘅，香港政府同大陸一樣，做緊宏觀調控之嘛，呢次藥就重啲，啲地產代理好唔happyo架，點搞？修正吓囉，加到7%至唔超過10%就夠啦。」

講到發水限制，「發水兩成都OKo架，啲樓起出嚟靚啲之嘛！政府一味出口術，出唔到就落重藥，又嚇你唔減就再重啲……有少少打錯好人，太犀利係會整『彎』個市道……要收手嘞！」

後記

下晝5點做完訪問，74歲嘅趙世曾，趕住由灣仔過海去何文田打籃球；30出頭嘅攝影師，趕住去睇跌打，醫膝頭哥舊患；視年齡如秘密嘅華華，一走出門口就幫發炎嘅左手手筋搽藥膏。養生之道，都係得個聽字。

李華華

[email protected]

趙世曾女兒趙式芝，上週四與從事 鐘錶貿易和豪華產品零售的冠亞商業（104）、波爾錶太子女楊如芯，在北京高調宣佈已在巴黎結婚，成為社交界首對公開的同性couple，但趙世曾竟在本 週一發聲明指「女兒趙式芝從未與任何人結婚」，面對父親的激動反應，趙式芝平靜地說：「喺適當時候會回應（即係幾時？）會祈禱問嚇個天。」父發聲明

雖然趙式芝（Gigi）飛巴黎結婚前已知會父母，但趙世曾顯然未能接受，當知道女兒與楊如芯（Sean）在北京公開關係，竟然話：「黐線，冇咁嘅事。」本 週一更發聲明到各傳媒澄清女兒未婚，「我問咗個女係謠傳，所以要澄清嚇。」那他有沒有見過Sean？「我唔知佢係邊個朋友。」他還說要為女兒招親，「當然 要搵個好女婿俾佢，Gigi有才華有智慧，大家幫嚇佢啦！」趙式芝得悉父親此舉體諒地說：「唔講啦，喺適當時候先回應。」至於與父親的關係會否因此決裂？ 她肯定話：「我同爹哋感情好好噃。」Sean亦平和地說：「我尊重佢（趙世曾）個人意見，但唔代表我哋嘅立場，亦唔會影響我哋心情。」

其實Sean決定結婚，是想給伴侶肯定和名分，「我哋一齊七年，係要做啲嘢，我覺得係一種commitment，係一段長遠嘅關係。」於是Sean在去年 尾密謀驚喜結婚大計，「我請咗個wedding planner喺英國、法國同美國搵church正式行禮，巴黎嗰間church喺鐵塔附近十分鐘車程，我覺得喺嗰度行婚禮好浪漫。」Sean最愛趙式芝 為人善良，「佢呢個人諗嘢其實好簡單，心地又好。」Sean邀請神父主婚，趙式芝沒有穿婚紗，簡單地著了條米色裙，現場只有十多名親友見證這重要時刻， 「我細佬妹同幾個好朋友都有飛過去，爹哋媽咪都想嚟，但媽咪身體唔係咁方便。」問Sean會否正式去拜會趙世曾？「暫時唔會，順其自然，俾啲時間大家，最 緊要阿Gi開心。」趙式芝亦無奈說：「爹哋媽咪唔鍾意我特別講出嚟，不過我真係好開心，俾啲時間其他人，香港係保守啲。」

幸而Sean的父母完全支持她的決定，「屋企人覺得多咗個女，但佢哋最開心，係有個人會終生陪伴住我。」問Sean婚後生活、感受可有不同？她好肯定地 說：「真係唔同咗，結婚之後兩個人close咗，大家都覺得個心好定，100% settle down，願意為呢個家完全付出，阿Gi同我屋企真正變成一家人。」

已為人母

小朋友可令一個家庭更加圓滿，同性夫婦始終有所欠，會遺憾嗎？「唔會，最緊要我哋覺得充實，好多family結婚都唔要小朋友啦。」雖然二人已經舉行婚 禮，但同性通婚在法國仍未合法化，所以她們的婚禮未具法律效力，只有精神和形式上的意義，Sean說將來可能會在容許同性夫婦領養兒童的國家領養小朋友， 「但依家唔會諗住，呢啲係好長遠嘅事。」

查實Sean和趙式芝兩年前已為人母，她們共同養了兩隻約瑟犬狗仔、狗女——Bubbles和Beluga，待牠們有如子女般愛錫；但小狗女Beluga 兩個多月前意外逝世，Sean至今仍未能釋懷，「嗰陣我哋有一仔一女，一家四口覺得好圓滿，Beluga走咗我哋真係好傷心。」為了紀念細女，她們成立了 Beluga Spirit Society（魚子開心之家）慈善基金，以愛女的名義籌款助人，「今個禮拜六我同阿Gi就會以呢個基金名義，同美國會、基督教關懷無家者協會，喺深水埗 做義工派飯。」為免囝囝Bubbles寂寞，她們最近加入了新的家庭成員——約瑟狗女Bordeaux，再次湊成一個「好」字，「但Beluga永遠都會 留喺我哋心裡面。」

愛難認

近年愈來愈多名人藝人被發現同性戀事，但極少公開肯定對方。

何超瓊俞琤這對「難得的知己」於一○年始單獨約會吃飯過夜，今年初更首次被斷正拖手遊巴黎。

關菊英周偉利跟黎小田離婚多年的關菊英於○七年轉投已故「公仔麵大王」周文軒姪女周偉利（Willy）懷抱，今年五月傳二人在英國結婚，菊姐立即否認，但卻公開說：「視她（Willy）為終身伴侶。」

袁潔瑩阮嘉欣袁潔瑩○五年與榮文蔚姑仔阮嘉欣相識後，經常糖黐豆出席公開場合，但問到二人關係卻很避忌，表示：「唔介意，但最好唔好講。」

白松露被譽為「餐桌上之白鑽石」，每年十至十二月是它的盛產季節。一向懂得享受生活的卓能集團主席趙世曾，亦應節用三萬元投了一席白松露慈善晚宴，宴請龔如心胞妹龔中心夫婦等好友細嘗。當晚身體不適的趙世曾女兒趙式芝亦帶病陪食，她還扮演聖誕老人派禮物，氹得趙世曾好開心。他笑話：「呢啲貴過兩個頭嘅鮑魚。」慰勞自己

上月中，末日論當前，趙生依舊舞照跳，「亂噏，我最科學化。」他還在中環訂了枱請朋友食白松露。為盡東道主之誼，他提早十五分鐘到達餐廳迎賓。但趙生早前被影到有另一女子繑實他遊銅鑼灣，沐浴在溫柔鄉的他說：「今晚唔講呢啲嘢。」入到餐廳，Lena坐埋一邊，趙生多番向女友說：「坐過嚟！」Lena撒嬌話：「點解呀？」夠曬寃氣。當晚是一個供八至十人用的五道菜晚宴，趙生請來華懋集團執行董事龔中心和她的丈夫李嬰，以及著名建築師何顯毅夫婦作客，子女呢？趙生說：「式浩今晚有約會，GiGi病咗，佢明天飛去第二度滑雪，可能來飲杯嘢唔食飯。（式正呢？）佢媽咪比較特別，所以無請他們。」趙生還叫廚師做多兩份給他打包拎走，「我拎返屋企和Lena消夜。」

趙世曾之所以宴請白松露晚宴，是因為十一月底他出席了德國高級廚房設備專家Gaggenau的宴會，席間嘉賓可以競投由該品牌及六間餐廳贊助的松露晚宴，善款幫助聯合國兒童基金會，趙生最後用三萬元投了這席位於中環的高級意大利餐廳Goccia的松露宴，連酒水最後約四萬元埋單，他說：「要用腦筋賺錢，賺到當然要回報自己。」

阿女有禮

當晚趙生所吃的白松露約一百廿五克，是來自意大利白松露的著名產地Alba，趙生亦盡快安排朋友享用，「這個意大利過嚟馬上要食，唔食就壞。」第一道菜是法國的Fine de Claire生蠔，之後有湯及cod fish等，趙生又口甜舌滑說：「有生蠔，Lena鍾意食。」說到白松露可以配什麼菜式，心情大好的他說：「佢乜都得，飲湯又可以刨啲落去，甜品前菜pasta又可以刨啲落去。」白松露是否他的至愛？「我唔係特別鍾意食白松露，但白松露和大閘蟹都係季節性，所以間中和朋友食一兩餐。」當晚最驚喜是，趙式芝在開席後不久便出現，還帶了禮物派給uncle和auntie，難怪個個都大讚：「好乖女！」

名人熱食

白松露菌由於只在秋天供應，而且生長環境極刁鑽，要經人帶同訓練三年以上的尋松犬，於白楊樹或橡樹等根部深處才能找到。白松露不能人工培植，而且採集後只可保存約十天，非常矜貴。乒乓球大小的一顆約重四十克，市價約五千多元，平均百多二百元才有一克，身價十足，要找到體形較大的就更難，因此深得各地富豪歡心，何鴻燊、胡應湘等也曾設宴款待朋友。

何鴻燊257萬

賭王何鴻燊對競投白松露最為積極，近年多次投得巨型白松露，○七年，四太梁安琪以賭王名義用257萬投得1.5公斤的巨型白松露，並於新葡京酒店大宴親友，四太亦曾說白松露配炒蛋香味盡出。

胡應湘125萬

○六年合和主席胡應湘亦以125萬投得1.51公斤白松露，並於麗嘉酒店設「豪門夜宴」招待郭炳湘、東亞主席李國寶大仔、夏佳理等賓客。

何美雲95萬

○五年何鴻章女兒何美雲以95萬投得1.2公斤的白松露菌。

劉青雲7萬

○七年，影帝劉青雲以7萬8千元投得一枚重250克的白松露菌，事後劉青雲表示是幫向華強的中國星競投。

李連杰3萬

○八年，李連杰在國際白松露菌的慈善晚宴上，以3萬1千元投得白松露。

卓能集團主席趙世曾，最近豪擲幾百萬把叫價三億一幢的山頂施勳道紫薇居別墅重新裝修出售，將個人設計品味融入別墅，外圍設計恍如宮廷，客飯廳亦以歐洲古典設計為主。外部裝修斯文，一上到房間就非常open，主人房浴室用玻璃設計，香艷絕倫，是否別有用意？趙世曾卻說：「純粹讓戶主沖涼時也欣賞到醉人山頂海景，喺度都可以望到靚view。」

盡顯個性

趙世曾這幢位於山頂施勳道的三層高別墅，建築面積約六千多呎，地下一層為客廳、飯廳、廚房，獨立私家花園和泳池等。一樓則是兩個大套房，附有獨立浴室和可遠望山頂景色的陽台，二樓亦是寢室區。從別墅的設計，反映出趙生的品味及其生活態度。客廳以歐洲古典設計，趙世曾說：「modern、contemporary、classic和中式設計我都做，呢度就以古典設計。」是否特別喜歡金色？他只說：「襯得幾好。」客廳三面均做了落地大玻璃，溫暖的陽光透進屋內，非常有朝氣，「山頂成日有霧，光猛啲舒服啲，望出去周圍好靚，室內外疊埋一遍。」他亦把以前的木地板改用雲石地，這些也是別有用心，「用地板易翹起，做雲石地易打理。」而趙生設計的豪宅，亦喜歡用壁爐，他解釋說：「我自己鍾意壁爐，冷天時溫馨啲。」尤其趙世曾必不乏美女在懷，就更加窩心。

中西合璧

別墅用的傢俬，有歐洲貨也有從國內訂回來，中西合璧。國內貨質量會否稍遜？「睇吓邊啲嘢，歐洲手工精細啲，大陸都幾好，做到八成；火爐在國內訂和在歐洲訂差唔多。」但講到飯廳的金色木雕餐椅，趙世曾堅持用國內師傅，「我自己畫圖，三個上海老師傅喺我屋企雕，我睇住佢雕才合心意，大陸訂返嚟無咁精細。」他以前喜歡去拍賣行競投藝術品，也放了一些古董擺設在別墅裝飾，但他笑話：「現在少去，因為無乜時間。」飯廳以前有一面玻璃鏡牆，現在他用馬賽克砌了一堵花鳥feature wall，「用鏡過一排會有水漬，容易變黑。」踏上通往睡房的雲石樓梯時，趙生着我們細看扶手的雲石面。而主人睡房的牆身以皮及馬賽克做裝飾，「矜貴啲及耐用。」至於主人房的浴室就採用透明設計，貫切趙世曾的玩樂主意，而牆身及地櫃也用上雲石，趙生解釋說：「雲石高貴啲。」至於主人房的大床，趙生就留給新業主自己揀。

送給母親

這塊兩萬多呎的地皮是趙生在九二年以三千多萬從政府拍賣競投回來，他起了有三間獨立別墅的卓能山莊。趙世曾原打算把其中一幢別墅留給母親倪亞震居住，但事與願違，趙母在二千年因中風引起的併發症而離世，「起完佢都已經唔喺度。」別墅現叫價三億，放租每月租金亦達四十二萬，如兩別墅一併以轉讓公司形式購入，叫價合共為五億七千萬。如此花心思重新裝修、布置，何不自住？「我住慣趙苑，嗰度交通出入方便，返工又近啲。」

出名風流，自言曾與過萬女人約會的卓能集團主席趙世曾，近十年只鍾情北方佳麗，而且全是散拖形式幾個月就換畫。年屆七十七的他人老心不老，前幾年贊助首屆中國小姐選舉，在趙苑舉行比賽，名正言順目及女。

食髓知味，今年他又贊助國際旅遊小姐選美，還極速中十九歲的港女Givanna，二人一拍即合，唔使一個禮拜，港女更搬埋入趙苑同居，與趙世曾另一強國女友Dora兩女侍一男。

只不過趙世曾如意算盤打不響，據知每次趙公子想濕吻，港女都借機閃開，唔多聽話囉。一拍即合

呢位十九歲、中文名叫鄧寶怡的Givanna，本來跟其餘九位港女一齊比賽，「三星期前，趙生見過班女仔，傾過偈，佢話Givanna幾乖巧溫柔，想要栽培佢。」過幾日，Givanna已從選美行列中脫籍，跟住趙世曾出席他的山頂樓盤活動，趙生仲向傳媒介紹：「佢係公司的公關小姐，負責搞今次旅遊小姐的項目。」

不過這種掛名職位，其實是趙世曾安置女友的伎倆，由以前馬慧、鄔仁，到目前所謂深圳寫字樓市場部經理Dora，都話在卓能集團打工，問她實質做乜？她先支吾以對，繼然走人，避免露出馬腳。

而港女Givanna就高中畢業，來自單親家庭，跟母親住奧海城，之前曾選過中華文化小姐，今次又參加國際旅遊小姐，終於未選先得米。表面上唔多出聲的她，其實不知幾主動，向趙世曾撒嬌話想搬屋，從而搬入趙苑，「趙生同Dora住主人房，Givanna不介意，更好天真話住得入屋就當她是家人。」爆料人更話︰「趙生真係帶佢同家人食飯，Givanna開口埋口叫趙博士，又主動夾餸，同Dora又唔爭寵，令趙生好開心，總之話有初戀的感覺。

唔肯open

雖然趙生讚她斯文，但亦開始嫌她不夠open。據知同住一屋的Givanna，遲遲不肯俾趙世曾嘴嘴，「有次趙生想法式濕吻，佢就用手擋，之後每次見對方趙香口膠，Givanna都敬而遠之。」上週六，趙世曾提供遊艇、直升機俾著住比堅尼的旅遊小姐上天下海，陪坐的國產Dora好識做，一上船就除褸露事業線，任由趙生攬實，反觀Givanna守身如玉，全程著住外套，短裙下仲要著對黑絲襪打底，就算趙世曾多次叫她除褸，她都扮聾，最後知趣讓步，亦不過只係將領口拉開少少咁多。記者問趙世曾是否跟Givanna同居？他笑話：「我哋趙苑好多地方，咁佢做項目，會容易招呼人，又唔係同我住埋一齊。（唔肯俾你錫喎）吓？邊有呢啲嘢？你搞錯。」而Givanna亦辯稱：「我哋有幾個女仔住得遠，係方便做嘢先暫住（趙苑），做完個活動我哋會搬走，趙生已經有女朋友Dora啦。」

卓能集團主席趙世曾，上月部署接班安排，月尾向董事會提議升長女趙式芝為副執行主席，意味三十二億王國逐步交由長女領導。不過七十九歲的趙世曾未有退休計劃，「工作係人生最大樂趣，只要一日頭腦清醒、身體健康，我就永不退休。」最近他仲做埋男主角拍了條廣告片，為深圳龍華區的卓能雅苑宣傳。問趙生怎不搵個明星代言？他笑笑口話：「自己地盤、自己設計，梗係自己做埋主角，叫明星做主角有咩好？大家知呢啲係我哋做嘅地盤，俾大家買樓信心都好啲。」深圳賣樓

站在這片約八年前投得的五十五萬平方呎、可提供千伙單位的地皮，趙世曾說項目投資不用十億，以港式豪宅形式興建，現在可賣四十億，希望年尾推售。他回憶說：「買時龍華仲未入深圳市，當時當然平啲，後嚟交通通咗，又有子彈火車，廣州落嚟半小時，去香港將來都係廿五分鐘。」

當香港樓價閒閒哋萬元一呎時，趙世曾落力推介說：「呢度近過去新界地方，將來從西九龍過嚟就廿五分鐘，去新界都要四十五分鐘啦，火車站有專車接去地盤（樓盤），香港邊度去搵個二千幾蚊一呎嘅豪宅？」咁筍，有無留幾個單位自住呢？「我未必一定住喺度，間中去睇吓，我鍾意住酒店，留番啲俾佢哋（女友）住。」

識歎世界，身邊又不乏女伴的他，可有和女友遊遍深圳？趙世曾笑瞇瞇說：「你問佢（指着女友Dora），佢好似有啲去過，有啲未去過。」

粉墨登場

參觀樓盤期間，趙世曾忽然叫職員播放光碟，原來是他粉墨登場替樓盤拍的宣傳片，片中見他在草地上跑步，又同美女打桌球，「即係話我哋項目樣樣都有咁解，我哋地盤有籃球、網球、羽毛球、游泳池，有健身院，有商場，又有幼稚園。」片中的國內女模特兒是趙生拍板採用，他滿意地說：「有得俾我揀（模特兒），呢個都幾好，佢係深圳大學生，斯斯文文。」有美女在場理應疏乎，他卻笑話：「一早開工，拍到夜晚六點鐘拍到暈。佢哋拍完又叫你跑多次，跑幾次當健身，我哋無耐性俾佢拍完又拍，所以我哋做唔到明星，好彩我係老細可以話唔拍，拍到六點我就收工，拍唔拍得完我都走。」拍完廣告，同女模有冇下文？他笑着說：「無，完全係商業上來往。」除了深圳，卓能在杭州也有房地產項目，選在這裡，和趙世曾童年在杭州生活有關，「我細個好窮，牆都有窿，父母廿幾歲結婚，成日記得爸爸媽媽嗌交，因為我病咗無藥食，Daddy話要儲錢，媽咪話細路哥要食藥，咁就嗌交。我兩個大佬和我，大家唔夠食，我細個都得意，就送咗我去杭州同媽媽嗰邊親戚住，親戚屋企做醫生有錢啲，去幾個月返吓嚟又去吓，慳番啲米飯。」幾十年後杭州招商，他便在當地投資。

能者升任

趙世曾自編自導的又豈止樓盤廣告？當大家以為趙世曾重男輕女，加上不接受趙式芝和波爾錶太子女楊如芯結婚，會交棒給兒子趙式浩時，結果大家都估錯晒，趙世曾不慍不火說：「咁唔啱（重男輕女），公司嚟講，公司立場，係邊個有才幹邊個升上去，唔理佢係我屋企人或者外人。」揀趙式芝是否因為她在國際上有知名度？尤其趙生來一招十億招婿，不但美國傳媒來追訪趙世曾，就連非洲都有人認識趙式芝。「同知名度無關，睇佢才幹，佢喺公司做嘢有成績，佢做啲嘢樣樣幾有交代，做得幾好，一路再培訓佢多啲咁咪可以擔大旗囉，佢做得好對公司有益處，實際上交帶佢做嗰啲工作，都做得妥妥當當。」趙世曾捧長女上位，同時支持長子趙式浩離開卓能出外創業，趙式浩在另一訪問中，指出「我喺卓能做咗八年，一年平均去旅行兩、三次，而Gigi半年起碼去五、六次，仲要係長旅行，又有時間去揸直升機、打golf，我有時間都去讀個master啦」。對此，趙世曾就有以下見解：「放假去玩吓有咩所謂？」至於有指趙式芝約於○三年在公司做了半年，卻被父親勸退，是因為她做了影響公司利益的事，趙世曾又替女兒辯解：「唔係嗰啲，無咁嚴重。佢同Howard（式浩）一樣，即刻出嚟就入公司唔係咁好，唔知世界艱難，做嘢就容易唔勤力同做錯嘢，佢出去自己做咗一輪，再返嚟做嘢樣樣都好好多。」問他知否兩姊弟感情有無受影響？他答得坦白：「Howard個仔將來入公司做嘢都要家姐培養佢，佢哋兩姊弟感情不嬲都OK。」更現實的事還包括趙生一話計劃成立信託基金，連知己都受益，朋友即時多起來，「個個諗住同我做知己有好處，女仔打電話約出嚟食餐飯。（你點回應？）鍾意咪出去食飯。一路對我好嘅知己咪有得分。」