| ||||||
全 球股市狂瀉不止，昔日商品大牛市下，財富暴漲嘅澳洲富豪，身家亦大縮水。澳洲《星期日電訊報》講，過去6個月，澳洲富豪身家蒸發超過210億澳元（約 1037億港銀），至少有20位富豪跌出億萬富豪榜。最傷係礦業大亨Andrew Forrest，今年5月佢以94億澳元（約460億港銀）身家，成澳洲首富。隨住全球商品泡沫爆破，佢間寶號Fortescue Metals Group嘅股價半年嚟由高位跌咗86%，佢副身家賬面亦冇咗超過82億澳元，淨番大概60億港銀，首富地位當然不保。 澳洲賭王財富唔見六成 最 有機會取代Forrest成為澳洲首富，相信係當地零售巨子Frank Lowy，雖然佢身家亦縮水三成，但都有近220億港銀，所以好多人估佢會問鼎澳洲首富寶座。較為多港人熟識嘅澳洲賭王James Packer，身家由61億澳元縮水至26億澳元（約128億港銀），冇咗近六成。難怪佢同小賭王何猷龍合資成立嘅新濠博亞，旗下皇冠酒店要求員工放冇薪 假或者停薪留職。 | ||||||