📖 ZKIZ Archives

多餘懷舊 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20121019/18044087
呢日去沙田威爾斯親王醫院，因驚住冇地方泊車，先將架車泊在第一城銀城停車場，再坐的士去醫院，回程時想起前星期遇見住在第一城嘅退休圖書館員Ｈ，佢要多 謝左丁山介紹佢買第一隻REIT，叫做置富，編號778，三元七角買入，依家升到大概五元九角喎。升得咁好，其實自己都冇買到，不過好似係兩年前圖書Ｈ發 覺「置富」管轄嘅沙田第一城商場陸續裝修轉型，不少舊式商戶遷出，圖書Ｈ驚住商場租金升，零售價格跟住升，影響佢自己呢類退休人士，問左丁山怎麼辦，左丁 山不假思索，叫佢買番啲778做對沖，因為如果租金升，置富收益升，股價應該會同步上揚嘅。
後來果然如此，故此買咗778嘅圖書Ｈ開心到不得了， 但左丁山一股都冇，只能嘆一句走寶。呢日既然嚟到第一城，索性在商場周圍行，嘩，果然改裝到完全不同，洗手間都唔知搬咗去邊，十足十係翻天覆地，以前阿燦 哥與大記者收工後最鍾意打躉嘅My Place酒廊已無影無蹤，大概整個第一城商舖冇更換過嘅就係許君恕醫生與牙醫王友權嘅診所，自1981年「入城」以來，仍然留在同一地方，足以成為舊城 民之集體回憶。
行完之後，心諗如果第一城係「領匯」管理，恐怕早已被無謂傳媒鬧到反艇，好彩呢間REIT叫做置富，雖然採用嘅翻新方法還比領匯大 膽，好在完全冇傳媒理會，樂得耳根清淨，悶聲發大財。領匯與置富同是100%私人公司，由地產信託投資基金單位持有人（股東）共同擁有，與政府完全無關， 但就係同人唔同命，領匯一舉一動都有人到實晒，置富改造商場就自由得多。
有些年青人興起廉價懷舊，連新城市廣場呢啲百分之一千嘅商業性商場都話 要「光復」，笑死人咩。商務之新城市分店早已不是二十幾年前嘅舊店模樣，音樂噴水池早成歷史陳跡，有甚麼可懷舊？壹週刊曾有一期講新城市廣場中庭之書報 攤，又有冇人記得呀？人地做生意，早有計劃，商務已在大學站對開嘅中文大學康本國際學術園內開設中大分店，面積五千八百平方呎，新界東居民搭火車去十分方 便，足可代替新城市商務店，中大班教授都唔知幾高興，以後買書睇書唔駛去新城市廣場人逼人咯。
PermaLink: https://articles.zkiz.com/?id=38945
Next Page
ZKIZ Archives @ 2019