|
||||||
如今香港樓市一盤難求，有買家不 睇樓、不問價、「秒殺」入市，就連用家主導的二手屋苑，呎價亦天天創新高，全城進入「盲搶樓」狀態。本刊記者於上週六，走到「瘋眼」屯門，全程直擊一個五 百多呎的屯門市廣場單位成交過程。業主一放，買家一睇，才一個多小時，便以二百七十多萬元成交，平均呎價達五千多元。一個新高呎價成交，原來就是這樣完成 的。 下午4:02殺到 準買家鄭氏一家，下午三時多由深圳灣口岸過關，急不及待走到屯門區代理行查詢，鄭太（右）緊張地問：「上個月睇嗰幾個單位呢？」代理湯先生（左）邊拿着鄭 太的通行證登記邊說：「賣晒喇，你而家先問﹗」鄭太故作輕鬆，半信半疑說：「係咪o架？」代理再預備三個屯門市廣場單位予鄭家參觀，看罷第一個單位，鄭太 嫌景觀不開揚，他們很快便轉到四座中層A單位。 下午4:42講數 這時業主朱先生（右）已在等候。原來現時為免業主「反完又反（價）」，代理要求業主盡可能在場。雙方打過招呼，鄭太自顧自睇樓。望着開揚的泳池景，不消五 分鐘，覺得合心意，問價後代理湯先生的答案是：「二百八十萬。」鄭太一家（左）「嘩」一聲，壓價二百七十五萬元，朱先生一副「唔憂賣」的樣子：「我老婆俾 咗兩個錦囊我，一個係二百八十五萬，一個就係二百八十萬喇。」鄭太和她奶奶（左三及二），一唱一和哀求：「我哋喺內地個仔要嚟香港讀書自住，唔係投資，你 唔係五萬蚊都唔肯減呀？」朱先生「企硬」亦黑起面說：「無得再減，你唔買我走o架喇﹗」 下午5:02被「禁錮」 談判拉倒，代理（右）即把朱先生（左）「禁錮」於廚房。做玩具設計的朱先生剛以二百多萬買入八百多呎的嘉湖山莊自住，才肯放售這單位，而他只是剛剛放盤， 朱先生說：「佢哋（指鄭太一家）只係第一個上嚟睇嘅客；唔到價，我唔賣！」代理怕一旦放走朱先生，這個盤會被行家搶去，屆時不但不減價，甚至會加價或封 盤，代理遂極力游說：「呢個客夠實，人哋又咁有誠意，你咪隨量減兩萬囉﹗」朱先生想了又想。 下午5:04矛盾 鄭氏夫婦覺得樓價貴，但又怕蘇州過後冇艇搭。一個托腮，一個托額頭，苦惱地討論：「上個月睇都係二百六十幾萬咋，點解會升得咁快？我哋不如買新樓。」代理 上前跟他們說：「二百多萬買不到新樓o架。」然後拿出有關樓市的報導：「你睇吓日日都話創新高，唔好因為講幾萬蚊價而放棄呢個機會。」鄭氏夫婦一個做兒科 護士，一個做物業管理，收入供得起這層樓，於是蠢蠢欲動，只是鄭太的奶奶做「塘邊鶴」阻止：「走啦，幾萬都唔肯減，唔買喇。」 下午5:37欲罷不能 鄭氏邊離開單位邊說：「走喇，走喇。」但他們三歲的女兒仍在屋內，嚷着肚餓無人理。原來他們「拋磚引玉」，在走廊上繼續計數：「呢度出租七、八千，月供五 千……」這時代理（左一）為他們帶來天大好消息，「朱先生肯減兩萬喇﹗」由於未到他們心目中二百七十五萬，在他們還在考慮時，突傳來一個壞消息：「朱太上 緊嚟，佢一向企硬，上嚟就一定封盤唔賣呀﹗」眾人屏息靜氣，幾秒之間，決定以二百七十八萬元成交。 下午5:40老婆殺上 這時朱先生已口頭承諾成交，急忙向老婆（右）解釋，「個客夠實呀，又咁多人到，學佢話齋，兩萬都唔減咩。」然後自我安慰說：「其實樓價已差不多見頂o架 喇，未必再升嘅。」朱太不滿說：「仲有得升o架，呢度係市中心，好少盤個景咁開揚，唉！」朱先生低聲下氣說：「係喇，你返屋企再鬧啦。」 下午5:51簽約 現時太多業主反價，代理早已準備了合約，讓買賣雙方即時在單位內簽約作實，不得反口。鄭先生先付五千元「細訂」，雖然買家買到樓，業主賣到樓，但記者見雙 方仍然愁眉苦臉，鄭先生擔心：「究竟有無買貴呢？」朱氏夫婦則問：「我哋會唔會賣平咗？」成交到最開心的，是身處中間的地產代理。買賣雙方佣金合共五萬五 千六百，拆一半俾公司，都袋兩萬七千八百元。 全城盲搶樓的情況下，屯門樓價都被搶高。早前屯門時代廣場一個單位以呎價六千元破頂成交；這個樓齡二十年的屯門市廣場由信和發展，鄰近屯門西鐵站，平均呎價達四千八百元。 | ||||||