ZKIZ Archives


為小股東肉緊


2012-08-14  NM




上週四,淡靜嘅股市殺出個奇葩, 市場憧憬大陸地產龍頭萬科向南聯地產(1036)注入資產,當日南聯股價單日飆升六成,老編即收到財經版編輯區嘉儀的「揼心」短訊,謂「南聯原來唔覺唔 覺,而家升到九蚊!今日升咗六成呀」!區編輯五月底精心拆解了永泰地產(369)賣殼南聯的財技,報導出街後,滿心歡喜有讀者識貨,但就無沾手兩股,飲 恨!

區編輯與老編心想,當日在股東大會上鬧到南聯管理層拆天嘅小股東又如何呢?上週五下午三時許,當南聯再升三成至十二元水平,老編致電 當日有份開股東會的吳女士,她不但沒有破口大罵,原來她於九元三角水位出晒貨,並說:「有錢賺咪賣囉,南聯現時資產得麗晶中心,呢啲只係炒作,而家唔係萬 科無條件送國內資產俾南聯喎,到時發行新股,流通量大,股價就無咁高啦!」但老編告知吳女士當日在股東會上並肩作戰的小股東凌先生仍未放,吳女士則有點酸 溜溜說:「邊個係天才,邊個係白痴,到時咪知,總知依家總算皆大歡喜。」同日老編致電凌先生,他還不知道南聯股價已升了一倍有多,還反問:「你有冇做足功 課,除淨之後,每股都係五個八,點會十幾蚊!」得悉南聯股價狂升後,他仍不為所動,佢七十年代買南聯實業,至九六年公司透過派發股票實物,分拆南聯地產上 市,手上的南聯是「唔使本」返來的,揸住十六年都無放,謂要「留種」。有時與凌先生這類小股東一席話,不單感受市場脈搏,連幾時派息,配股、分拆上市都一 清二楚,好過搵剪報。財經組的記者都要認識吓小股東來「傍身」,上週記者拍門找到洪良(946)小股東陳女士,佢nice到俾咗份股東委任表格 (proxy form)記者,方便下週二入場開股東會質詢管理層,喺度向陳女士講聲:「多謝!」(黃麗裳)

為小 股東 肉緊
PermaLink: https://articles.zkiz.com/?id=36256

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019