貨櫃碼頭起樓 麥齊光：可住30萬人稱置業需求大 不會推冧樓市
1 :
GS(14)@2018-02-04 23:13:53■麥齊光指在貨櫃碼頭上蓋起樓較鐵路車廠上蓋更容易。李潤芳攝
【本報訊】港府覓地建屋困難，近日有聲音建議在葵涌貨櫃碼頭上建「空中樓閣」，發展局前局長麥齊光認為「有得做」，可為多達30萬人提供容身之所。他接受本報專訪時詳述，碼頭過去一直「曬貨箱」，一地兩用後，碼頭營運商可發展地產項目，香港市民有屋住，只要循序漸進推出新盤，不會推冧樓市。記者：周家誠 陳家恩
麥齊光離開政府退休後，一直低調在港大土木工程系教書，不過近日「大師兄」工程師學會前會長周明權拋出碼頭一地兩用方案，他認同對政府、市民、碼頭營運商均多贏，冀政府落實研究建議。麥齊光指出，坊間曾建議搬走貨櫃碼頭，騰出市區空間起樓，但填海容納新貨櫃碼頭，最少要十年八年光景，反而直接在貨櫃堆場上蓋起樓，在工程學上可行，「火炭車廠上蓋起駿景園、將軍澳車廠上起日出康城，係有過往嘅經驗可以做到」。麥解釋，貨櫃碼頭上蓋興建物業，比起在鐵路車廠上蓋興建容易，「車廠路軌線形，中間嘅地方好窄好窄，如果咁都做到打樁……貨櫃堆場好似個棋盤咁，好似火柴盒咁搬嚟搬去，就更加容易打樁」。
力撐無噪音及光污染
建議方案中，工程師將分階段在貨櫃堆場打樁，最終建設一大型結構轉換層（Transfer Plate），平台上可以興建高樓大廈，平台下則繼續碼頭作業。不過麥齊光指現時貨櫃通常叠至約6層高，樓底或會稍高；至於碼頭邊緣貨櫃起重機位置，則會繼續保留，故此接近280公頃地中，只有八成會用來發展。有市民質疑，建設如此龐大社區，如何解決交通配套事宜，麥齊光提到，貨櫃碼頭附近有3個港鐵站，即青衣、荔景及美孚站，亦鄰近3號幹線、8號幹線，可以到機場（大嶼山）、沙田（新界北）、西隧過海（香港島），屬非常理想之臨海地段。至於碼頭噪音污染、光污染等問題多多，麥齊光舉例說：「德福花園、駿景園有冇嘈過？你個樓底遮住咗佢，噪音會少咗；光污染嘅話，如果向住海嗰邊起商場，已經遮住咗。」麥齊光粗略估算，貨櫃碼頭上蓋規模，等於16個美孚新村或9個太古城，「可以起公屋，甚至學校、診所、公眾休憩地，係一個新市鎮，閒閒哋住20萬至30萬人」。不過計劃正式落實前，尚有多個關卡要過，包括規劃、協商、改土地用途等，「如果前期工作完成，整地基、開始起樓，講緊嘅係幾年光景，可能4至5年已經起好第一幢樓」。目前置業需求大，麥齊光不認為項目會推冧樓市，而政府亦應同時推動其他方案，例如填海、鄉郊地、軍事用地等。
來源:
https://hk.finance.appledaily.co ... e/20180129/20288978