冰說聰明：中海物業迎接北水
1 :
GS(14)@2018-01-28 18:34:30上星期推介的中信證券（6030）算交到貨，昨天大成交抽升一成，暫時先看15年7月的反彈高位24.60元附近，到價獲利定讓子彈飛，悉隨尊便。北水現時對港股的影響，相信都唔使花唇舌去解釋，由五十幾億的細股至幾千億的藍籌，全部都有話語權，所以下月恒指公司公佈的中小型指數檢討，新晉標的隨時聲價十倍，如果你唔想等到2月6日結果出爐，就係時候提早做功課掘金喇。能夠符合小型股指數的準則，月均市值要有50億，流通量成交亦不能太低，由於去年股市旺，多咗好多股票符合資格，但青冰的心水選擇，首推係中海物業（2669）。現時港股通標的已經有逾440隻，雖然北水持續湧港，但都唔係每隻都買，內房係佢哋喜愛的板塊之一，連相關股物業管理都啱口味。騰訊上月對外發佈了智慧社區平台「騰訊海納」，目標直指物業管理，希望可以將社區智能化，從而吸引更多管理公司使用，增加線下流量，會所、停車場及維修等等都牽涉交易，有交易就有微信支付啦，QQ看中的行業，日後肯定是市場焦點。龍頭股綠城服務（2869），自去年3月加入港股通後，股價由2.60升至6.35，累積升幅1.4倍，北水持股穩守7.5%以上，以估值計，17年市盈率約37倍，中海物業只有27倍，非常抵買。中海物業去年向母公司收購中信物業管理，加上同系的中國海外（688）作為龍頭內房，每年賣樓收益逾二千億，咁多新樓落成，只會交更多住宅俾中海物業管理。保守嘅戰友，可以等2月6日公佈結果先追入，但投行及國內知名財經網站，應會在這段時間陸續揀出港股通候選名單，屆時必然未出發先興奮，所以進取型的戰友，揀啱就要偷步入市喇。青冰
http://fb.com/chingbing888本欄逢周四刊出
來源:
https://hk.finance.appledaily.co ... e/20180125/20285301