二五中環 萬南 白藥「國際化」 搵萬隆幫手
1 :
GS(14)@2017-10-09 04:10:18http://www.metrodaily.hk/metro_c ... %92%B0-2/?page562=2今年2月份，萬隆控股(030)宣布同雲南白藥清逸堂共同成立一間合營公司，經營個人護理產品，包括女性經期護理用品，同埋雲南白藥目前喺內地經營嘅各類護理用品，例如洗髮水、牙膏等等，力拓商機無限嘅內需市場。
不過，好消息又點止一個？呢間早期做財經報價嘅上市公司，最近仲得到雲南白藥大股東陳發樹加持，透過雲南白藥控股公司入股16.67%，成為主要股東，投資規模接近兩億元，幫佢哋發展個人護理產品業務。
不得不提嘅係，雲南白藥其實唔係淨係識做「金創藥」，目前單單喺深圳上市嘅平台，市值都已經去到900億人仔，據知陳樹發同雲南白藥管理團隊，希望透過萬隆令雲南白藥集團更加國際化，睇嚟白藥、萬隆合作日後將更為繄密，大家不妨金睛火眼睇實。