AKB星二代殺入AV界麻美由真做歌手唱經歷
1 :
GS(14)@2017-08-17 08:09:44日本娛樂文化自上世紀90年代起已經風靡全球，唔少當紅女星都被視為「女神」，除咗娛樂文化之外，仲有一個行業係大家非常熟悉，作為「愛情動作片」呢個產業嘅龍頭大國，出名多美少女去拍AV，香港人較為熟悉嘅就有波多野結衣、上原亞衣等，甚至都有唔少本來喺演藝界發展嘅「藝能人」，往往都會因為各種原因而化身成為「愛情動作片」女主角。橘梨紗現年24歲原名高松惠理嘅橘理紗本來喺日本偶像組合團體AKB48嘅練習生，不過喺過百名後備當中，因為未能通過考驗而被踢走，之後一路冇乜聲氣嘅橘梨紗，憑住魔鬼嘅身材加上清純嘅臉孔被AV商發掘，喺2013年2月份正式下海拍第一套AV，不過佢嘅AV生涯只係維持咗短短半年，喺2013年8月，推出咗6部AV後引退。坂口杏里阿媽係已故70年代日本女星坂口良子，現年26歲嘅坂口杏里，其實喺17歲時就已經由母親帶入日本藝能界，不過擁有星二代光環，都無助星途，反而整容呢類嘅負面新聞就頻頻有，喺母親逝世三年後，坂口杏里就被爆因為流連牛郎店而欠下500萬日圓巨債，結果要下海拍AV，日本網民對於呢個決定都表示失望，仲留言話「辜負母親對你的期望」等，最近坂口杏里仲被爆喺六本木夜店做陪酒女。三上悠亞原本叫做鬼頭桃菜，24歲嘅三上悠亞係最近AV界嘅超級新星，本來係AKB48姊妹團SKE48嘅成員，因為被爆同男星激吻過夜而被經理人公司擺咗入雪櫃，最終宣佈離開SKE48，2014年改名三上悠亞拍AV，震驚唔少網民，佢喺AV事業上仲非常成功，由出道至今都係以碾壓嘅姿態橫掃日本AV界各大獎項。
來源:
http://hk.apple.nextmedia.com/entertainment/art/20170817/20123592