ZKIZ Archives


湯文亮﹕可以唔賣樓就唔好賣

1 : GS(14)@2017-08-02 04:45:53

【明報專訊】有朋友對我說,樓市不斷創新高,好消息不絕,但他打算賣走的自住單位已經放盤大半年,除了在開始賣樓的時候有一兩個買家還價,價錢亦不理想,現在連問的人也不多,再過兩個月仍然賣不出,他就要付另外新買的單位15%印花稅。當日替他買入新樓的物業代理當時拍心口話一定可以很快將他的自住單位賣走,現在搵佢都搵唔到,就算搵到,物業代理只是叫他給他做獨家代理,朋友當然唔制,因為他知道獨家代理即是「獨家害你」,其他物業代理更加唔會做,有買家點解要同其他人合作,所以,他唯有提高佣金,希望可以趕得及在需要付15%印花稅前將自住單位賣走。

在他開始放盤時,的確有買家睇樓,但那些買家很腌尖,不是嫌樓層稍低,就是嫌方向不佳,有部分買家還帶來風水師,不但好似驗屍咁驗,唔買仲會彈一餐,搞到朋友成家都唔安樂,當時他見還有時間,那些大師又話樓價今年先升後升,所以他揸緊價錢,沒有接受賣家還價。

現在賣樓如二三十元沽騰訊

現在,連當日他不接受的價錢也再沒出現,好彩他的財務不成問題,就算唔賣樓都可以應付得了。最後,他借了18歲的兒子人頭一用,將以往的自住單位賣了給他。其實,現在可以唔賣樓就真的是唔好賣,樓價長遠必升,雖然在大升之前會先嚟一次下跌,淘汰那些實力不足的人,但下跌之後就會再次回升,而且將會是長而恒久上升,現在賣樓,就好似有些人在股價二三十元的時候沽了騰訊(0700),現在後悔到不得了。

15%印花稅是懲罰擁有兩單位

朋友聽完我講之後就非常開心,但是他不知道,如果他不是在財務上可以輕易擁有兩個住宅單位,我就會勸他大幅減價將以往的自住單位賣走,益買家好過益政府,因為15%印花稅是懲罰那些擁有兩個住宅單位的業主,政府會當那些是罰款,多謝都唔會講一句。如果財力足夠,打死都唔好賣,大家只要睇地產商做法就知道,財力足夠的地產商見新盤賣唔郁就會對外宣布惜售、封盤,情願唔賣都唔會減價賣樓,既然地產商可以這樣做,點解二手樓唔可以做,况且封盤的新樓是沒有租金收入,二手樓業主唔賣,但可以將單位出租,現在唔賣,以後賺得仲多,這是政府替有物業的市民着想,千祈唔好辜負官員們一番心意,可以唔賣就唔好賣。

紀惠集團行政總裁

[湯文亮 敢說亮話]


來源: http://www.mpfinance.com/fin/dai ... 4810&issue=20170801
湯文 文亮 可以 唔賣 賣樓 樓就 就唔 唔好 好賣
PermaLink: https://articles.zkiz.com/?id=339139

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019