【動畫】洗米華一攬得寵松岡李那做賭網代言人？
1 :
GS(14)@2017-06-16 01:47:50林德信舊愛松岡李那早前被爆同「澳門古天樂」洗米華喺舞池攬腰共舞，有傳洗米華對松岡一向有好感，咁啱大家去夏威夷飲安以軒嗰餐，男嘅單拖赴會，女嘅又剛甩拖，有指Mandy Lieu為咗呢件事好嬲。昨日有周刊爆松岡疑一攬得寵，去夏威夷係坐私人飛機過去，據知情者講松岡遲啲會做洗米華旗下賭網嘅代言人，穩袋300萬，而上年係由蒼井空做代言人，最近松岡仲間唔中跟洗米華周圍去。據聞洗米華唔係第一次俾job松岡李那做架喇，早喺2011年洗米華投資開拍《戀夏戀夏戀戀下》都有搵松岡演出，去年底澳門賽車賽事，松岡亦係嘉賓之一。今日《蘋果》聯絡松岡李那經理人王友良，問係咪會接賭網代言人呢個新job？王友良話﹕「因為現時好多工作傾緊，我都要確認一下，問番其他同事有冇傾過。」
來源:
http://hk.apple.nextmedia.com/entertainment/art/20170614/20055770