二五中環 萬南 輝山「玩失蹤」執董 身份惹市場遐想
1 :
GS(14)@2017-04-10 03:16:53http://www.metrodaily.hk/metro_c ... %E9%81%8E%E7%B3%A7/
上星期五輝山乳業(6863)股價以直插冇水花式暴跌，之後拉閘到而家，缸湖傳聞涉及有人造假數及挪用資金，不過公司已正式否認，唯一肯定係執董葛坤(圖)上星期發信畀公司，指工作壓力大到要休假，要求唔好搵佢，然後就「玩失蹤」唔知去向。最搞笑係呢位葛坤女士，一度盛傳佢係輝山主席兼大股東楊凱嘅愛妻，但喺公司年報又唔見披露關係，最後集團否認。睇番葛坤背景，之前做楊凱秘書出身，學歷唔高，居然可以入局，重係一致行動人士，難怪唔少人咁諗。
專門幫人搞上市嘅老友唔評論輝山個案，但佢話商場中類似似是疑非關係相當多，因為內地實行「一孩政策」多年，好多富二代私生仔女唔可以公開認(情婦更加啦)。最奇怪係仔女連姓都改埋，睇落完全冇關係，卻又半公開地安插入公司做高層，乖巧地避過披露，做刁便可「這麽近那麼遠」。
Next Page