ZKIZ Archives


一路一帶:「女媧補天」離地到上太空

1 : GS(14)@2017-03-23 06:48:16

「女媧補天」、「同國家關係好」,首富李嘉誠每年一次嘅問答大會終於結束。李嘉誠在記者會上多次強調,新特首要同國家關係好,溝通好,到底點樣為之關係好?點樣為之溝通好?李嘉誠講了至少三次,自己對香港有感情,甚至講到疑似哽咽,一方面感受到香港已經無理想,港人只顧炒樓,大嘆香港無晒活力。其實李嘉誠多年來賺盡香港錢,拎香港輕鬆錢轉投外國繼續錢搵錢,香港就像雞肋,食之無味,棄之可惜。李嘉誠真心愛港,但其實一直只當香港是搖錢樹,一方面認為港人炒樓唔啱,但另一方面就公開歡迎國內同胞嚟香港買樓,社會撕裂,港人難上車,買樓無望,都是深層次矛盾之一。最近新地(016)南昌站匯璽人潮迫爆,億萬富翁都爭住買動輒四千萬起跳的深水埗樓,投資需求好像比自住需求更大,李嘉誠所講的購買力,就是來自不想投資創業的有錢人,香港又有乜方法急起直追?李嘉誠的真心,似乎不夠貼地,整個記者會除了不停發功,為「女媧」造勢,又不忙踩多港人兩腳,質疑香港一早有機會一人一票選特首,但香港人自己放棄,更要在特首和國家關係及港人關係之中,兩害取其輕。李嘉誠以「女媧補天」來解決香港過去四年多的撕裂問題,似乎離地到上太空。斯郎
https://www.facebook.com/oneroadonebelt/本欄逢周四刊出




來源: http://hk.apple.nextmedia.com/financeestate/art/20170323/19966889
一路 一帶 女媧 補天 離地 地到 到上 太空
PermaLink: https://articles.zkiz.com/?id=328451


ZKIZ Archives @ 2019