Hea富生活 ：日本民宿風險無限
1 :
GS(14)@2017-03-23 06:47:40有睇小弟本書的朋友，大概知道我最鍾意找小勞多得的生意和投資，近年興起買日本樓做Airbnb的熱潮，所以想跟大家分析一下。實情三年前已經有日本仲介叫我做這類生意，話可以有十厘以上回報，高手的，三十厘都有，賺埋樓市升值，未來日本搞賭場和奧運會，地產市道非常樂觀咁話。而且他見我一年去十次八次日本，還說可以開埋公司辦埋日本永住權，一招幾用，聽落的確吸引。先說經營民宿，沒民宿牌，用私樓經營，等於走法律罅。雖然生意常識是有灰色地帶即是有錢聲，但始終人哋地方，你只可信晒個經紀，他想做成生意，當然是講啲唔講啲，風險著實太大。我買日本樓是因為低水，而且日本租戶平均質素較高，遇上租霸的風險相對低，最緊要唔使理。如果做民宿，可能租番畀中國人、外國人或香港人？十個好撞着一個差都煩死，聽經營者話有客人連電器都撻走，當然你可以揀客或只租給台灣人，但又減低出租率，計落回報跟長租給日本人差不多。
如遭投訴或須負刑責
如果你對香港冇乜留戀，非常戀日，想攞日本永住權，當搵門生意做尚可。但若要假手於人，找民宿公司代辦，回報就水瓜打狗，而且有法律責任，中間人大可輕鬆甩身，責任在於業主。日本人喜歡整潔和寧靜，垃圾分類實行幾十年。我們遊日住酒店不用為此煩惱，因為有隔音及酒店代勞，試想想外國遊客入住民居，短短一、兩天會注意這些文化？只要鄰居向大廈的管理委員會投訴，生意即時要停。更甚者如果投訴到巿役所或稅務局，更要負上刑責，刑罰是三萬日圓及最高監禁六個月。錢事小，入唔到境事大。成棟大廈買起得喇掛，邊個仲可以投訴？咪隔籬棟大廈囉！早在2014年已有相關檢控個案，輕井澤頒佈法例禁止經營民宿，上年連日本人經營的民宿公司也被檢控，社長吉田弘明認為是灰色地帶，沒想到會被控告，以上個案可以提出入罪檢控，應該包含逃稅。當然沒有合法申請把單位改裝成民宿及沒有符合消防安全要求，都會受到檢控。除了東京之外，大阪近期也有兩宗檢控個案。日本朋友說東京大阪等已成立專責小組，專門巡查違規民宿。實在畀你偷偷搞得成，都只是接近十厘回報，很多簡單方便的投資都有啦！賺有限但風險無限，算吧。郭釗
http://www.fb.com/heaology.edu本欄逢周四刊出
來源:
http://hk.apple.nextmedia.com/financeestate/art/20170323/19966706