【馮仁昭四圍超】揀車手條件十足講自己 城城：浪漫靚仔
1 :
GS(14)@2017-03-22 00:31:38■城城車隊5月有賽事，搵咗法國車手Olivier Lombard（左）。
郭富城原本忙緊同梁詠琪、馮紹峰及趙麗穎拍鄭保瑞嘅《西遊記之女兒國》，但佢噚日同劇組請假走咗去珠海國際賽車場，出席「郭富城創立車隊品牌」記者會，城城以車隊經理身份帶領富盛車隊出戰極速先鋒系列賽，會上佢仲幫車隊揭幕。城城話今次投資好大，但實際幾多錢佢就唔肯講，只講車隊搵咗個好有潛質嘅法國車手Olivier Lombard。問佢選拔車手有乜條件？佢話：「呢個法國車手好浪漫，吸引到女車迷，佢好有潛質，靚仔，揸車又快。」問城城幾時出賽？佢話：「我會以工作行先，我係車隊老闆，會賦予精神同力量畀車隊，首場賽事5月舉行，我希望可以喺5月初試到車。」
請教林志穎
講到林志穎都有車隊叫平坐車隊，城城話：「我知佢好熱愛賽車運動，而我知自己技術唔夠佢好，所以我會向佢請教。」咁鍾意賽車，媽咪同女友方媛會唔會好擔心？城城話：「跑道比較安全，永遠唔會有對頭車，唔會有人醉駕，做足安全措施，又有專人指示，比馬路安全。」撰文：馮仁昭
來源:
http://hk.apple.nextmedia.com/entertainment/art/20170320/19963562