樂香園：洗黑錢在乎你
1 :
GS(14)@2017-01-22 02:15:07上一篇《樂香園》說完內地銀行訛稱內地戶口可中港兩地雙向提款，但最終仍是不能的「行騙手法」，怎可不提連金管局也看不過眼的本港銀行開戶問題？友人兒子往英國升學，為方便滙款作生活費及學費，朋友去了家大型本港銀行開設綜合貨幣戶口，惟想不到卻獲得被視作洗黑錢恐怖份子「禮遇」。友人說：「嗰日排隊都排咗差唔多成個鐘，等呀等呀，終於到我啦，咁我話要開個可以滙錢嘅綜合外幣戶口，櫃枱即刻嚟料，問開嚟做乜㗎？又問會唔會經常有大額錢出入㗎？仲多次問真係用嚟滙生活費？有無其他證明你係香港居民咁，問咗四至五個字呀！」越說越火。友人說：「問完一輪，之後又再重重複複問多十多分鐘，我終於忍唔住爆發，話我喺佢銀行個戶口大大話話都開左成30年，仲係出糧戶口，使唔使當我係恐怖份子咁盤問呀？?家我係嚟開戶口，唔係嚟做乜犯法嘢喎！」出納見朋友火起，即時表示銀行不是想為難客戶，只是跟規矩做。之後再用了約15分鐘，友人終能成功開戶。大行險再殺錯良民，金管局是否要再出手？密西比
來源:
http://hk.apple.nextmedia.com/financeestate/art/20170121/19903700