樂香園：內銀兼做地下錢莊？
1 :
GS(14)@2017-01-18 08:10:52中國奇人奇事一世也說不完。內地公司及個人持續走資，但鑑於現時大部份正常走資途徑已被堵塞，敢於冒險的人惟有以地下錢莊繼續走資，這當然不是新奇事，但奇就奇在，正規銀行居然會建議客戶用地下錢莊走資，真是無奇不有。替內地企業工作多年的朋友跟密西比說，他部份薪金是以人幣支付，並直接存入其內地戶口，惟多年來均未有提取。不過，由於人幣持續貶值，近日他終「的起心肝」決定將那筆人幣滙回港。他原以為由於戶口是中港雙向通行，開戶時經理亦堅稱可在港自由提款，滙錢只是簡單動作，但殊不知到頭來甚麼也不行。他說：「我咪召個經理嚟鬧囉！我話你哋話可以自由滙錢喎，點解?家唔得㗎？個經理好冷靜咁話，?家唔得㗎啦，國家政策，投訴都無用。」經理輕聲跟友人說：「不過，其實都唔係無方法，你咪用地下錢莊囉，我好多客都係用佢㗎。」經理見友人樣子有些疑惑，補多句：「唔識地下錢莊？我有介紹。」合法推介非法，銀行介紹地下錢莊，中國無奇不有。密西比
來源:
http://hk.apple.nextmedia.com/financeestate/art/20170118/19900373