2009-10-07 AD
| ||||||
| 上市3個幾月嘅內地運動品牌商361度（1361），09年度（截至6月底止）純利爆升2.5倍，佢哋一上市除咗公佈佳績外，董事酬金亦水漲船高。據噚日公佈嘅年報，董事局09年度嘅總酬金大約係487.8萬銀（人民幣．下同），比上市前加2.5倍。 主席加人工逾兩倍 拆 開嚟睇，作為執行董事兼總裁嘅丁伍號，雖則加咗2.61倍人工至159.6萬元，但加幅唔算最勁，最勁係佢堂細佬、執董兼副總裁丁輝榮，09年度總年薪 127.3萬，大升3.6倍！而丁輝榮親大佬、執董兼主席丁輝煌亦加咗2.23倍至127.3萬。其實三位丁生原本年薪都唔過45萬，今次搖身一變成為百 萬年薪。如果同佢哋同級數嘅特步國際（1368）比較，特步主席丁水波亦喺舊年上市後年薪加咗3.26倍至76.6萬，但都未到百萬水平噃。361度雖然 加執董人工，奇怪嘅係非執董就依然無人工，上市後3名非執董人工依然係「零」。唔知今個年度會唔會畀人工佢地呢？李華華 [email protected] | ||||||
2010-05-18 AD
| ||||||
| 喺上個禮拜沽貨 封咗蝕本門嘅意馬國際（585）大股東梁伯韜，一如市場所料，噚日終獲委任為主席兼非執行董事，今日生效。較特別嘅係，番薯梁加入嘅同時，曾經幫過電影大 亨鄒文懷打工嘅潘從傑，就辭任意馬副主席、行政總裁同埋執董，即係公司一個執董都無，非常離奇。 幫手物色賺錢投資項目 離奇還 離奇，番薯梁除咗係意馬大股東之外，通告冇交代到冇乜電影經驗嘅佢，點解會做咗主席，反而喺新聞稿度就引述梁生話，好高興能夠領導意馬開創新里程，會協助 意馬發展業務，埋尾仲有一句好惹人遐想嘅，話會幫公司「物色有利潤投資項目」，唔通就係市傳個啲…… 講開又講，意馬嗰套《神勇飛鷹俠》近排 放咗個片頭出嚟，華華睇過，畫面好有力，動作流暢，公仔睇落仲好有美國feel，相信係想打歐美市場。 李華華 [email protected] | ||||||
| ||||||
| 歐洲啲國家近排 輪流出事，主業喺正當地嘅ESPRIT思捷環球（330），當然冇得倖免，仲要屋漏兼逢連夜雨，最近思捷又有高層被人挖走嘞！ 回顧番舊年， 思捷嘅高層其實已經好似走馬燈咁樣，不斷有人走。喂，你估股東驚唔驚呀？都唔知係人事唔夾所以搞到最終各行各路，定係公司出手太低留唔住人才，講真，股東 最怕都係啲管理層管唔掂間公司唧。 好似一直被外界認定為思捷CEO接班人嘅前執行董事戈達（Thomas Grote），舊年3月辭職、之後跳槽咗去另一行家──MEXX嗰度，估唔到戈達原來一早已經向啲舊同事埋手，仲俾佢成功喺舊公司挖走咗兩個資深嘅高層轉 投MEXX旗下。眼見啲高層一個接一個咁走，思捷要請番人嚟補位，睇怕有排煩。 銷售主管品牌總監齊跳槽 根據麥格理發表嘅研究 報告講，跳槽咗去MEXX嘅兩位思捷高層，分別係銷售關係部門主管兼高級副總裁Volker Schmidt，同埋全球品牌總監Jim Nowak。佢哋兩個分別喺思捷做咗成16年及9年咁耐，算係老臣子啦！ Schmidt加入咗MEXX之後，會主管環球批發部門，同埋負責 喺德國、奧地利同瑞士等地區嘅業務發展；而Nowak就負責管理全球產品開發及設計。 麥格理話，思捷損失呢啲高級管理人員，會增加公司未來 嘅營運風險，而且唔排除MEXX會繼續喺思捷撬走人才。 唉……華華諗番起早幾年嘅思捷，不知幾風光，不過，自從前主席邢李『火原』離開公司 之後，高層就不斷變動，生意亦都俾金融海嘯蹂躪得今非昔比。早排邢生沽清思捷股份，唔通真係冇眼睇？ 李華華 [email protected] | ||||||
2010-6-10 AD
| |||||
| 蒙牛 （2319）創辦人牛根生4月調咗做非執行董事但保留做主席之後，個個人都估佢唔會再響股東會蒲頭，費事俾人問長問短。不過，世事嘅嘢又真係成日咁出人意 表o架喎！ 噚日牛哥竟然現身，會一會班股東同傳媒，不愧為最牛嘅非執董！咁牛哥o依家理應冇以前咁忙喇，今後有咩搞作呢？佢話轉咗做非執董 之後，只會參與蒙牛嘅大方向發展規劃，剩番嘅時間，會留番嚟做公益同慈善嘢喎……哦？唔知牛哥會唔會去打救吓啲「結石寶寶」呢？ 諗番起…… 由毒奶事件到中糧集團入股，蒙牛嘅變化真係好大，對於自己嘅心血變咗半隻國企，牛哥有咩睇法？估唔到牛哥大大方方出嚟會記者，但對呢條問題始終左閃右避， 只係話好多內地公司，甚至佢啲同業，股東架構喺近年都變得好多元化，仲已經變咗一個趨勢，蒙牛都只係其中一間啫。 佢仲相信，蒙牛同中糧可以 產生協同效應。學佢以前話齋：「發射自己的光，但不要吹滅別人的燈！」 有加價壓力 牛哥快閃後，輪到俾股壇長毛David Webb質疑學歷嘅總裁楊文俊「講話」，近排內地出現加價潮，楊總話，蒙牛一直因為成本升，不嬲都有加價壓力，佢哋會用優化成本結構嚟抵銷有關影響。 華 華估計，消費者寧願佢哋加價，都唔好降低產品質素，事關經過毒奶事件，真係有陰影o架，股價就話有得「溝淡」，奶溝淡咗就唔好飲啦，係咪？ 李 華華 | |||||
|
||||||
|
美聯集團（1200）噚日宣佈，執行董事郭應龍（圖）起身唔do，但係就仍然擔任中國部行政總裁；通告又強調，董事局同郭生無意見分歧，仲希望佢繼續對集團作出貢獻云云。咁到底搞邊科呢？ Raymond（郭之洋名）同華華講，做執董要有能力兼有高瞻遠足嘅視野，喺董事局抽身、淨做中國CEO呢，就可以將一體之力更好咁放眼神州，佢又話多謝董事局內各成員過去咁多年嘅體恤…… 查實做中國CEO都唔嘢少o架，家陣美聯（中國）喺內地6個城市，一共開咗大約260間分行，少啲心血精力都搞唔掂。 至於內地層出不窮嘅樓市調控政策，Raymond就話未摸得透，擴展市場會審慎啲。 |
||||||
|
||||||
|
理大一向致力協助工商界培訓人 才，將科研成果應用在各行各業中。筆者完全認同理大這方面的獨特使命，但大學在聘用高層教職員以及選擇業界合作夥伴時必須小心謹慎，不然就有可能因任用非 人而令大學聲譽受損。 2001年12月，理大持有股權的公司環康集團在創業板上市。出席上市儀式的包括前校董會主席胡應湘、前校長潘宗 光，以及環康集團的創辦人蔣麗莉。各人當時舉杯慶祝，十分高興，又有誰會料到十年後有人因此而變成階下囚。 理大與蔣麗莉一家關係密切。蔣麗 莉在1993年取得理大的博士學位，蔣麗莉父親蔣震在1995年捐贈500萬元給理大，獲大學劇院冠名。1998年蔣麗莉結婚，丈夫於積理亦是理大教員。 1999年，蔣麗莉獲選為理大傑出校友。2000年，當時的理大常務副校長曾慶忠開始出任蔣震工業慈善基金的董事，同年獲委任為太平洋興業集團的董事，當 時公司主席是蔣麗莉。 上世紀九十年代後期，理大的研究人員合作開發汽車廢氣微粒過濾器「環康保」，獲得政府及大學的資助，並且取得專利權。 蔣麗莉最初以理大工業顧問身份參與有關研究計劃，之後在1999年成立環康集團生產過濾器，並且在2000年將產品推出市場。到2001年，蔣麗莉將公司 在創業板上市。 根據當時的招股章程，配股及資本化發行完成後，公司主席兼執行董事蔣麗莉控制的公司可獲大約54%股權，理大附屬公司進新科 技只得約16%股權。另外兩名執行董事包國平和胡思聖，分別獲得3%及0.1%股權；集團的行政總經理葉玉珍獲得1.8%股權，招股章程中指明葉氏與公司 其他股東和高層概無關連。
環康集團的董事會除了蔣麗莉、包國平和胡思聖三位執行董事外，還有兩位來自理大的非執行董事，他 們是呂新榮和楊孟璋，另外有兩位獨立非執行董事，他們是鄭明訓和翁以登。呂新榮和楊孟璋擔任環康集團的董事，兩人每年獲董事袍金合計20萬元，兼且享有購 股權。環康集團上市後數個月，鄭明訓便辭任董事職務；一年多後，翁以登亦請辭。二人可能先知先覺，急急「跳船」。到2008年1月，蔣麗莉和胡思聖因在 2001至2002年，擔任太平洋興業董事期間犯案而被廉署起訴。兩個月後，蔣麗莉及包國平因在環康集團的招股章程中作不真實陳述，隱瞞蔣麗莉擁有由葉玉 珍名義持有的股份而被起訴。至此，環康集團上市時的三名執行董事全被廉署拘控，在今年六月亦全體下獄。去年理大成立三人調查小組所發表的報告，指出理大持 有環康集團股權的附屬公司進新科技，公司成立文件竟然不存在（not in existence）。當日理大為何接受16%股權用作交換過濾器的知識產權，以及為何放棄收取專利權的費用，相關文件不知所終。一間大學開設公司和轉讓 知識產權竟然沒有文件依據，管治情況可想而知。筆者相信類似的管治問題在理大（以至其他大學）的附屬公司亦可能會出現。只不過環康集團屬上市公司，受到嚴 格監管，又有污點證人（葉玉珍）願意出庭作供，才讓貪污事件曝光。（論理大公司管治之四）
曾任教於理工大學，現為專 欄作家及教育中心校監（http://www.livingword.edu.hk）作者網誌 - http://lampunlee.blogspot.com |
||||||