落區訓練五官記得味道風聲
1 :
GS(14)@2017-01-17 01:53:45【本報訊】周蕙禮早在1995年已自立門戶，成立自己的建築公司WDA Group，她公司會議室內，掛了十多幅從高樓與高樓之間望向天空的照片。她自細喜歡行街睇樓：「每一次望出窗口，我就好鍾意望住啲樓，點解會咁起？」在本港做建築師更是幸運，「唔需要畫過一千、一萬支樓（圖則），你一睜大眼、一落街就係case study（案例），醫生都唔會吓吓見到病人呀嘛」。
家族遺傳 對建築有興趣
要從周蕙禮口中套出一兩句家族事頗難，她表示也許是家族遺傳，才對建築產生興趣，因其母是日本人，外公則是畫家、設計師。她坦言其背景造就自己有「多幾個世界可以走」，在英、美讀書，香港執業，母親是日本人，自己又喜歡旅行，會牢記在每個地方的經驗。除因工作睇地、睇樓，她亦會落區訓練五官：「做建築師唔止用對眼，要用五官，諗番記憶，要記得個味道、風聲……」，好似去天星碼頭就有咸咸的海風味，也試過去舊街市38蚊買一餐飯等，了解地區需要、原生基因，取得新舊平衡。周蕙禮是香港建築師學會專業評核試考官，可謂主宰萬千建築系學生的前程。她坦言和現今的年輕人溝通，發現大家都少了一份香港人的「can-do spirit」，常常鍾意就「熄機」，當事不關己，「但人生唔可以熄機，做專業人士不會萬事通，但至少別輕易放棄」。
來源:
http://hk.apple.nextmedia.com/financeestate/art/20170116/19898454