西環集中營：CY施政報告隨時變「炸彈」
1 :
GS(14)@2016-12-21 23:33:37特首梁振英將於1月公佈任內最後一份施政報告。有政界中人稱，由於梁撰寫施政報告時，未有想過這份是他最後一份施政報告，「當係競選連任報告咁寫」，據聞已預備開出多張討好建制派的「期票」，但最後會否更改、又或索性將這些政治炸彈留給下屆政府，備受關注。
政界關注會否呼冤
有政界中人引述建制人士稱，梁振英一直視施政報告為其爭取連任的「先行政綱」，梁早前向一些建制選委「大戶」開出了不少「期票」，「好似佢（梁）9月同工聯會見面，答應今屆任期內解決強積金對沖問題，佢當時如意算盤係，等明年1月施政報告公佈方案，再話由下屆政府落實，咁工聯會及其友好選委就大條道理提名、支持梁連任」。該政界人士也聽聞，梁也會在施政報告交代未來創科產業大計、全民退保方向等，務求令選委覺得，「要令呢啲建議實行，令佢哋有好處，就要支持梁連任」，但北京突然為梁角逐連任落閘，質疑梁：「CY會唔會改咗份施政報告內容，唔再講呢啲承諾，定係索性有咁大講咁大，留畀下任拆彈？」但有官場中人直言，距離發表報告時間有限，「份施政報告要大改，基本上好難」。政界也關注梁會如何在施政報告為其4年多施政蓋棺定論，有政界中人揶揄，他猜梁除自讚其土地、房屋、創科政策外，「我想睇睇佢會唔會講自己成功打擊港獨、打擊佔中，又或為自己俾反對派抹黑，搞到冇得連任呼冤？」季陶周一、三、五刊出
來源:
http://hk.apple.nextmedia.com/news/art/20161221/19872352