【疾走日本】跑大阪城公園 睇滿城紅葉銀杏
1 :
GS(14)@2016-11-29 07:56:07大阪城公園，最近滿滿紅葉銀杏。
記者最近去過大阪，又正值秋天時期，樹葉紛紛變色。一邊睇紅葉銀杏，一邊跑步，當然係指定動作。我們今次來到大阪城公園，由森之宮入口，跑到京橋口出口，來回約4公里。首先由森之宮入口出發，向噴泉方向跑。然後轉右，已經見到兩邊銀杏，夾道歡迎你。這裏除了跑手，還看到不少一家大細都來踩踩單車，影影相。
向前跑繼續跑，銀杏之後就有楓葉。其實很難專心跑步，你只會想不斷停下來影相。跑到第二個路口，轉入去，就會見到大阪城在你遠方，而面前就是紅葉加河畔靚景。繼續向前跑，跑入青屋門，再經過極樂橋，沿途都有唔少風光。如果維園都有這樣靚景，一定更多人跑步。然後你只要一直向前跑，就可以去到京橋口出口。記者3點30分左右開始跑，回程時候大約5點，已經日落，提提大家要睇盡靚景，記得早點起程。如果去到日本想跑步，但路不熟，其實有日本跑步網站，資料詳盡。只要輸入所在地，就有長長短短不同路線推介。還會標明交通燈多少，沿途有無景色，行人流量等等，非常實用。交通：大阪城公園坐阪神高速13號東大阪線，森之宮站落車，3B出口跑步網：
Jognote
http://www.jognote.com/top記者：李聰
由森之宮入口，跑到京橋口出口，來回約4公里。
如果有這樣的靚景，一定更多人跑步。
來源:
http://hk.apple.nextmedia.com/su ... t/20161129/19848606