港媽上街 捍衞孩子未來
1 :
GS(14)@2016-11-08 05:48:42【本報訊】全國人大常委會主動釋法，全城震怒。一直沉默的港媽眼見中共粗暴破壞香港法治，帶同3歲及僅10個月大的子女首次上街，以腳步及汗水捍衞孩子未來；六旬婆婆狠批中共強姦司法制度，即使腰痛難耐，也堅持遊行。連一向政治冷感的17歲港男都責備自己「醒得太遲」，為捍衞司法獨立決定走上街頭抗爭。全職家庭主婦李太一直是沉默大多數，一次都沒有參與過遊行，「我唔想我啲小朋友未來活喺一個冇自由嘅社會」，坦言今次人大釋法已觸及其底線，「真係忍無可忍，中國大陸干預得太過份，連法律、法治都唔理，而家中共佢地鍾意點就點」。
「港豬」後悔太遲覺醒
李太分別育有一對3歲及僅10個月大子女，昨更首次與他們一同走上街頭，「立法會議員宣誓單案法庭都未有裁決，中共就自己釋法，而家仲唔出嚟，我好擔心日後小朋友連講一句說話都會俾人拉」。除了李太外，反釋法的遊行隊伍中同樣有首次走上街頭的港男梁先生，今年17歲的他直認自己是一隻「港豬」，多年來政治冷感，又後悔自己太遲覺醒，「比起政改，人大釋法更加恐怖」。他認為人大主動釋法太過份，擔心香港會失去司法獨立，變相一國一制，「香港就嚟連法官都唔使，特首可以控制晒，變咗行政主導」。摧毀法治的釋法風暴來襲，大批市民昨用腳步及汗水捍衞我城，78歲的廖婆婆和65歲的黃婆婆即使腰痛也堅持遊行。廖婆婆批評，香港司法制度都被人大主動釋法破壞，「唔係我哋慘呀，我哋容乜易（死），最多畀我多幾年命，冇辦法，咁樣我哋安樂啲」。她說，今日的香港令她心淡，老一輩只是希望把好的制度留給下一代。黃婆婆認為國家令她心痛，「以前我支持回歸，但今時今日國家一次又一次傷害我哋」。遊行人士不乏一家大細，金先生帶10歲女兒上街，「如果連上街都唔做，我哋仲可以做乜？」金先生斥特首梁振英最無能，應盡快下台，又指自己「最憎共產黨」，最希望是共產黨倒台。■記者譚靜雯、李詠希
來源:
http://hk.apple.nextmedia.com/news/art/20161107/19825520