若時光能倒流 戶主：未必裝修
1 :
GS(14)@2016-10-30 14:34:23新手上路幫間屋搞裝修嘅Johnny，對於裝修完工嘅感覺之一，係一個字，「攰」。「由追佢（裝修公司延誤）、最後埋尾，然後之後到呢刻（就嚟入伙），其實係攰呀」Johnny入伙前一晚、略帶倦意。裝修過程一波三折總算完成，不過，入得伙唔代表一天都光晒。「原來裝修完之後仲好多嘢要諗。我要搬返啲嘢返落嚟，後話太多。你地之前見到得咁多嘢，我要諗塞返喺邊個位。呢樣嘢好困難，應該咁講，有冇咁多時間！」回憶裝修延遲，佢坦白講話「唔開心一定有，始終延遲咗。解決方法咪兩邊一起溝通，大家總會有原因出嚟。」經過這4個多月，他的體會之一是白紙黑字相當重要，「最緊要係簽合約嗰時，一定要寫施工過程，幾時完工、同埋如果真係遲咗邊個賠償。」其次，經常到單位視察情況亦相當重要，「要親身嚟到現場，有啲細節位真係要親身嚟望住師傅做。」另外，與裝修公司的溝通亦非常重要，例如家電過早送貨，會妨礙師傅工作。
Johnny嘅體會，同消委會對於裝修延誤建議有相同之處。消委會建議，消費者在動工前應與裝修公司先訂立詳細合約，除竣工日期、工程項目、保養及釐定保險責任外，可要求訂明一旦工程延誤的賠償方案。另外，亦可列明因天氣關係而可能出現的延誤及補救方案。消費者應定期前往裝修單位檢查進度、每次分階段付款前須與裝修公司核對進度及費用。咁好似Johnny咁，有定期到單位檢查進度，消委會到底有咩幫到佢？消委會發言人指，今年首9個月接獲32宗有關裝修工程延誤的投訴。消委會以調停方式處理投訴人與商戶之間的糾紛，提供溝通平台讓各有關人士共同謀求解決辦法。訪問尾聲，《蘋果》問Johnny如有機會揀多次，會否決定裝修間屋還是慳返啲錢，他坦言「會再諗得清楚啲，未必會決定翻新」。
來源:
http://hk.apple.nextmedia.com/financeestate/art/20161030/19816887