星二代下海拍AV 業界狠批坂口杏里排骨趕客
1 :
GS(14)@2016-09-27 07:14:47日本星二代藝人坂口杏里淪落成AV女優，有指佢近年沉迷幫襯鴨店，孭上至少500萬日圓（約38萬港元）嘅債務，據說坂口杏里今年已到夜場接客賺快錢，下月初就有處女AV上架，近日有消息佢已秘密為MUTEKI接拍第二套AV，仲完成拍攝工作，緊接之後推出。坂口杏里亡母係70年代經典日劇《新青春火花》女主角坂口良子，坂口杏里改名ANRI接拍AV還債嘅消息震驚藝能界，其首套AV作品於10月1日推出，更會順勢推出埋露毛寫真集。男星Wentz瑛士日前於節目就揚言唔會睇坂口杏里嘅AV，坦言鍾意睇AV嘅瑛士指坂口杏里太多負面新聞，如激瘦同埋盛傳整容等，令佢對其AV作品毫無性趣。其實坂口杏里被指染有不良嗜好，令佢嘅激瘦外形嚇怕唔少男士，所以有AV業界人士狠批，坂口杏里喺AV內一絲不掛展露皮包骨全相，有人睇過佢首套AV後，批評坂口杏里除咗稍有名氣之外，整套AV都非常趕客，論條件絕對冇資格做脫星，令人懷疑早前曝光嘅全新裸照有造假成份。
來源:
http://hk.apple.nextmedia.com/entertainment/art/20160926/19782273