ZKIZ Archives


大陸科水$20億 陳方安生細佬搞私院

2012-2-2 NM




骨科名醫、陳方安生胞弟方津生, 在本港醫學界一直聲譽甚高,他做過香港醫學會會長和香港醫學專科學院主席,○二年擔任聖保祿醫院院長,接替因中風退下來的叔父方心讓醫生,但做了六年就離 開,專注中環私人骨科中心的業務。

但野心勃勃的方津生,一直希望大搞私家醫院服務,近年不斷拉攏各方人馬,運用與大陸醫學界及政界的關係,引入財團投資香港興建私家醫院,更得到由方心讓創 辦的香港復康會支持,將該會位於藍田的戴麟趾夫人復康中心改建為全科私家醫院,涉及的資金高達二十億元,屆時方津生將出任醫院院長。

計劃興建的私家醫院位於藍田復康徑七號,距離藍田港鐵站只有十分鐘路程,現址為只得兩層高的戴麟趾夫人復康中心,已有五十多年歷史,土地由香港復康會持 有,現改名為香港復康會藍田綜合中心,平日常見有復康巴士接載老人家出入。

地政署收到申請

戴麟趾復康中心本來自九一年起由醫院管理局接收管理,但十年前轉由復康會以自負盈虧方式經營,醫管局前專業事務及人力資源總監、骨科醫生高永文說:「以前 好多政府醫院嘅復康病人都去戴麟趾,瑪嘉烈醫院都send病人去嘅,但近年復康病人愈來愈多,中心容量唔大,得一百張床,咁細點夠全香港復康病人用!幾年 前復康會同醫管局協議,將中心斬纜獨立經營,醫管局就用聯網分區醫院照顧番復康病人,大家各行各路。呢度交通方便,用來改為私家醫院好理想。」地政總署向 本刊表示,九龍東地政署剛於一月十三日收到復康會申請,提出將該地改為醫院用途,現正等待復康會提交詳細土地更改內容作進一步處理。香港復康會會長李文彬 接受訪問時就說,政府原則上已同意發展私院的計劃,「而家好多私家醫院都爆滿,病人好難先搵到床位,我哋睇到呢個需要,想為香港好,決定嘗試將復康中心變 做醫院,香港土地資源咁寶貴,如果唔好好利用,係唔盡責。」會計師出身的李文彬又說:「我哋知道呢個係挑戰高難度,因為建醫院好貴,相信呢間要十幾二十 億。我哋復康會算財政穩健,但唔係好多錢(一一年捐款九千三百多萬元,盈餘五百四十多萬元)而家問銀行借錢你估咁易呀,唔係借一二千蚊,係講緊十到二十 億,呢個係好大風險,方津生負責financing同請醫生,佢做咗醫療幾十年,我絕對冇懷疑佢嘅能力。」據悉醫院會提供全科服務,由於中心面積有限,只 能提供約二百至三百張床位,以骨科為主打,令方津生可以大展拳腳。

星級陣容班底

事實上,方津生在整個改建計劃上擔任關鍵角色,他為此成立了「港上醫務發展有限公司」(Hong Kong Shanghai Medical Development Limited),他是公司大股東,佔約五成股份,第二大股東為霍英東兒子霍文遜,持有一成股權;另外,於海外註冊、背景神秘的「尚啟有限公 司」(Shang Qi Co Ltd)則持有百分之五股權,其餘股份則分散由高永文、蘇澤光、家庭醫學專科醫生李國棟、呼吸系統專科醫生陳真光及前港大心臟科教授劉柱柏等人持有。而前 房協主席及市區重建督導委員會成員李頌熹則擔任公司首任董事。「李頌熹熟悉土地程序,幫助復康會改變土地用途,過城規呢一關;蘇澤光做財務管理顧問,霍醫 生的仁德醫務中心有好多外科名醫,可以替醫院組成一個強大醫療團隊。」消息人士說。高永文向本刊坦言,他和方津生及潘德鄰一直都想在國內發展醫療業務, 「我○五年離開醫管局時已有此概念,以前喺醫管局做,每個月都有同內地醫療管理團交流,講醫院發展,方醫生同潘醫生喺呢方面志同道合,三個人經常飛去北 京、天津、上海同珠三角等地方搵發展機會,所以間公司名有上海含意。我哋可以提供醫療及技術管理,大陸嗰邊可提供土地及資金,但睇嚇睇嚇發現原來唔係咁簡 單,有時市領導有變化,傾嘅嘢又要從頭來過,或者有時又會有土地產權不清,土地偏遠等問題。但醫療產業係一個大商機,佢唔單只係一種福利,亦係一個商品, 香港政府都話要發展。」眼見在國內發展未有眉目,方津生等人便將視線轉移回香港,四處覓地,並打香港復康會主意。方津生曾任復康會主席,現為該會董事,其 叔父方心讓更是復康會創辦人,曾任行政立法兩局非官守議員,○一年獲授大紫荊勛章,後來因兩度中風於○九年逝世。方津生運用其在香港復康會的影響力,說服 董事局將中心改建為醫院。根據衞生署《醫院、護養院及留產院註冊條例》,申請者須符合人手、房舍及設備等的要求,才會獲批簽發私家醫院牌照,因此方津生除 了拉攏醫生及管理人才外,已積極購買儀器及找設計師設計新院大樓,而政府近年鼓勵發展醫療產業,加上有「星級陣容」,獲批機會甚高。

拉攏胡錦濤骨醫

之後就是解決資金問題。方津生近年經常上京,與大陸人馬搭上關係。消息人士指出,方津生已成功拉攏北京財團投資,而他與北京解放軍301醫院骨科主任王岩 更是關係密切。王岩是解放軍軍醫,軍銜至少將;他是江澤民、胡錦濤的骨醫,近年兩次被胡錦濤授予一等功,表揚其在四川汶川大地震的救災抗震功績。去年中華 醫學會在北京舉辦第六屆國際學術大會,王岩是大會主席,方津生亦獲邀以香港骨科醫學院代表身份出席。而身為人大代表的方津生,亦是今屆和上屆的特首選舉委 員會醫學界代表,屬建制派人物,和其胞姐陳方安生作風可謂截然不同。

方津生和國內關係密切,其在中環美國銀行中心十一樓的骨科中心,經常有來自大陸的病人,護士表示,方醫生每次診金至少一千元,但依然爆滿,新症要等兩至三 星期。上週五早上,記者就看到一名拿著北京市海淀醫院X光片的男士來見方津生,睇症後隨即在診所做物理治療,四星期再來覆診。北京市海淀醫院前身是中共中 央華北局黨校衞生科,是北京大型綜合醫院之一。

該中環骨科中心於○四年開業,是方津生透過公司購入,當時方正出任聖保祿醫院院長,一身兼兩職,後來因為想全心投入於骨科診所業務,於是卸下院長管理職 務,並部署建院計劃,消息人士說:「其實香港復康會喺薄扶林仲有個麥理浩復康中心,塊地大過藍田好多,但而家仲係由醫管局管理,仲未甩得,佢哋下一步就係 想要埋呢塊地再起私家醫院,到時真係愈做愈大啦。但始終資金來自大陸,透明度係一個問題,而且週一嶽又話喺三月公開拍賣土地起私院,到時又會有人嘈話點解 政府唔拎復康會塊地公開拍賣,係咪明益方津生先!」

記者上週五找方津生追問發展大計,他竟走後門離開,之後直往機場離港,本週日才回港,他透過秘書表示一切找李文彬回應。記者問李文彬若資金來自大陸是否可 靠時,李即時拉高聲線說:「你擔心咩?你驚洗黑錢呀?我哋仲緊張呀,聲譽對我哋好重要,資金而家仲未傾好,大陸同香港財團都會搵,你估搵財團投資實賺o 架?但我哋嘅宗旨係賺到錢唔會入任何人嘅袋,會全部落番醫院營運裡面,呢個係大原則,我做會長一日,都不容許呢啲事情發生。」

港中未有著落

這邊廂政府開綠燈批地予復康會起私院,但那邊廂被業主聖公會逼遷而走投無路的港中醫院,則依然為「冇地」而煩惱,港中執行董事、香港私家醫院聯會主席劉國 霖希望政府重新考慮借出贊育醫院,給港中一條生路,「政府親疏有別囉!我哋港中有五十幾年歷史,擁有一個運作多年嘅管治文化,雖然聲譽唔及養和,但都無發 生過咩醫療事故,而贊育未來都未有任何發展計劃,點解唔借俾我哋繼續生存呢?起醫院唔係拉雜成軍,呢度搵個工程師,嗰度請個建築師就得,最重要係有經驗同 良好管治體系,確保病人的安全。」

 


PermaLink: https://articles.zkiz.com/?id=31013

Next Page

ZKIZ Archives @ 2019