不是職場擦鞋仔我是天生擦鞋佬
1 :
GS(14)@2016-09-09 05:36:51人生百態，有人光靠唇舌換來飛黃騰達，有人依賴雙手但求三餐溫飽，同樣是「擦鞋」，前者遭人鄙視，後者令人敬服。在中環戲院里，就有一位年屆八十，每天蹲下身子，為老闆落力的擦，然後賺取幾分薄酬和無價尊嚴。人稱康叔的老伯，見證着香港擦鞋業的二十年變遷，為保留這行業，決心擦到自己走不動為止。記者：馮國康、趙永傑 攝影：馮峰、吉吉
只要行得走得，康叔都會靠雙手賺錢過活。
這一雙手，這些年來不知擦亮了多少對皮鞋。
憶起昔日被食環署驅趕的日子，心情猶有餘悸。
戲院里，皇后戲院早已不在，兩旁高樓大廈密不透風，只能從罅隙中透出一道陽光，為行色匆匆的OL、西裝友照明。來中環上班的，頭也岳高一點，卻有人低頭幹活，顯然跟這社區格格不入。康叔今年八十歲，是戲院里的其中一位擦鞋匠，也是唯一一位「擦鞋佬」，回歸前已在這裏擺檔。他算是見證着戲院里的變遷，由全盛時期的十多檔，到今日得番四檔。「變遷呢度就大啦！嗰時好窄，我哋咪喺正坑渠邊，馬路中間嚟擦鞋囉！十幾年前收15蚊，整整下加到20蚊，慢慢加上去，而家收40蚊。」
沒生意時，康叔會跟同行打牙骹。
生意好時，每日平均大概有二十位顧客。
康叔的搵食架生，裏面埋藏着不少寶貝，都有它的故事。
別小看康叔年屆八十，說起話來中氣十足，尤其憶起當日被食環署「冚檔」，仍義憤難平：「回歸咗之後，食環署一見到你就拉，話你哋阻街，仲要拉埋幾個警察喺度。喂，打劫呀？我哋唔係打劫喎大佬，我哋搵食咋喎！」搵食架生被充公，又要繳付數百元罰款，對靠勞動搵食的康叔而言，絕對是很大打擊。「咁你話啲市民睇見呢個情況，唔吠你呀？」終於，09年政府在群眾壓力下，向擦鞋匠發牌，但全港只得八個。康叔說：「九龍一個（牌）都冇！佢（政府）直情都話唔再發牌，取消呢個行業。」
辛勞的印記。
戲院里四檔擦鞋檔，康叔是唯一男士，份外突出。
康叔概嘆擦鞋業終會消失。
每朝八點，康叔便從地盤裏拖出鐵皮工具箱，擺好架步，撐一把傘，就準備開工。「朝早好早0架，有啲喺西營盤做醫生，有啲做老闆，佢哋一經過都會擦咗先返去。」幫襯的大多是上班族，洋人也有，生意好的一天，會有二十個客，開檔開到夜晚八點。但若遇上雨季，便無法開工，變相收入極不穩定。康叔說：「落雨冇生意0架嘛！記得今年由清明到而家，三幾日又落雨。」問他為何不退休，或者領取綜援？康叔反應甚大：「我能夠做得都唔會攞綜援！第一，唔使你政府負擔我綜援；第二，我可以雙手勞動。」雖說職業無分貴賤，但每天弓着身子服侍客人，心裏會否不好受？康叔豁達的說：「我覺得呢份職業做得嚟又開心，又為多啲市民服務。」只是年輕一輩未必抵受到卑躬屈膝，康叔說：「啲後生仔唔同你咁諗吖嘛，覺得喺街坐喺度，好要面。」擦鞋業後繼無人，政府又拒發新牌，這行獨特而又歷史悠久的職業，會否隨歲月無聲消失？
來源:
http://hk.apple.nextmedia.com/entertainment/art/20160909/19764679