ZKIZ Archives


跪拜日本天王?劉謙入稟告強國傳媒

1 : GS(14)@2017-03-04 10:18:32

40歲魔術師劉謙,前年同中國「厲家菜」第三代傳人、辣模王希怡結婚,同年喜獲麟兒,家庭幸福美滿,點知,可能大陸冇咩新聞,於是近幾個月又炒番content farm,指佢2010年曾「跪拜日本天皇」遭到封殺,就連央視都冇得去云云。最後,劉謙忍無可忍,近日向北京海淀法院狀告大陸4間傳媒,要求對方賠償150萬人民幣。劉謙點解可以咁大面子,獲邀去見日本天皇?實情係,2010年,劉謙應邀演出知名喜劇演員志村健節目,與其他日本藝人喺榻榻米跪坐,劉謙仲好興奮咁向扮成城主嘅志村健表示:「殿下,我從小就是你的粉絲了」。就係咁,有啲唔熟日娛嘅大陸網民,就以為志村健係日本天皇……威脅要封殺劉謙,到依家仲有好多大陸傳媒引述緊;「劉謙跪完毀前途」、「春晚一舉成名的他,卻為錢下跪日本天皇,嫁入豪門,消失娛樂圈」、「當初在春晚很火的他,因下跪『日本天皇』遭冷藏」;網民就話:「春晚把他捧紅,他卻自恃功高,拋棄人格與國格,向日本下跪,遭國人唾棄與封殺,劉謙,今淒淒如是也!」海淀法院話,劉謙認為報道成篇都係歪曲事實,更將其婚姻諷刺成「嫁入豪門」,即使寄出律師函,但對方唔刪文章又唔道歉,惟有出律師信,並索精神損害撫慰金及維權費共150萬人民幣,法院已受理。




來源: http://hk.apple.nextmedia.com/entertainment/art/20170304/19947393
PermaLink: https://articles.zkiz.com/?id=327758

Next Page

ZKIZ Archives @ 2019