柳飄飄到大媽look36歲張栢芝造型百變
1 :
GS(14)@2016-09-06 22:51:00女藝人可塑性高，絕對係有著數，可以挑戰下各種造型之餘，又可以製造話題，留啲深刻印象俾人。就好似今年36歲嘅栢芝咁，出道以嚟試過唔少造型，例如係《喜劇之王》入面柳飄飄個索爆學生look，就俾人記到o依家。但人大咗仲做埋兩子之母，心態唔同咗，衣著有時都隨和啲。好似啱啱過咗嘅暑假，栢芝帶兩個仔出海玩水，玩咗一日臨走時竟然騎呢以大毛巾包頭！仲有呀，之前佢喺髮型屋啱啱享受完洗剪吹，但撞見警察抄牌，即刻着住人哋髮型屋件袍開走架車。唔好以為栢芝衣着隨便就冇晒時尚觸覺，佢之前喺內地出席頒獎禮，就着過金閃閃嘅連身褲，仲大騷deep V！栢芝呢期好鍾意土豪金，佢日前喺沙田第一城街市買燒味，就係着露肩衫加金色裙，玩味十足！
來源:
http://hk.apple.nextmedia.com/entertainment/art/20160906/19761536