黃伯遭辱罵 市民代出頭
1 :
GS(14)@2016-09-06 04:35:36■紅衣男辱罵黃伯「收咗錢」，圍觀市民路見不平，保護黃伯。彭愷欣攝
【本報訊】年輕人紛紛出來投票，93歲佔中大黃伯更以苦行愛香港，昨晨7時半開始到港九新界多區跪求選民投票，不少途人支持送上水及麵包。90後林小姐因擔心黃伯身體健康而激動流淚，「一個90幾歲伯伯喺度跪緊我哋，其實佢係為咗我哋未來而跪。」其間有人辱罵黃伯「收咗錢才支持泛民」，但圍觀市民挺身保護。黃伯先由石硤尾出發，下午再到荃灣港鐵站天橋，沿途市民紛紛送暖，但下午2時45分左右，有紅衣男子指黃伯是收了錢才幫泛民跪求市民，「如果唔係收錢，點樣支持泛民啊？跪喺度。」一名圍觀女士不滿該男子無憑無據指控黃伯收錢，雙方衝突，其他市民紛紛加入指摘該男子無理取鬧；男子被要求拿出證據時，他只大聲稱：「我有言論自由㗎。」黃伯未有動怒，只稱是良心叫他下跪，「佢儍嘅佢，佢收慣錢啊嘛，咪以為人收錢囉。我係想嚟跪醒香港人，如果唔醒香港今晚就沉，因為張曉明同梁振英都明言要趕泛民出議會。」
■昨日黃伯繼續在各區跪求港人投票。
途人淚流︰我冇呢種勇氣
林生與太太及女兒路經荃灣天橋，對於男子指控黃伯收錢，林生覺得該男子太主觀，「佢一口咬定伯伯收咗錢，但又冇證據去證明伯伯收咗錢。」林太見到黃伯下跪更激動落淚，「我係年輕嗰代，我都冇呢種勇氣，或者係呢種力量去支持我自己所相信嘅政治立場。同埋我睇佢（黃伯）頭先都喊。」黃伯對於市民支持示十分感動，並於近4時離開荃灣，拖着年老身軀，掛着紙牌前往銅鑼灣繼續跪求選民。■記者彭愷欣
來源:
http://hk.apple.nextmedia.com/news/art/20160905/19760657