2012-1-22 AD
何東花園應唔應該列為古蹟，用公帑保育之，專家有不同意 見，譬如有報紙引述香港測量師學會會長劉詩韻，劉會長懷疑政府是否值得花巨款公帑去保留私人物業。但港大一位李浩然教授就話何東花園保育價值與建築無關， 主要係因為何東與平妻張靜蓉（張蓮覺，英文係 Clara），花園由何東所建，送予平妻，張氏亦在香港婦權中扮演重要角色，又因何東第一位中國人（華人進駐山頂），山頂第一座中式建築物喎。
何 東大名鼎鼎，左丁山自細聽父親講佢嘅故事聽到大，從來都以為何東係中國人。呢日翻閱在本欄提嘅香港大學出版社新書 A Dictionary of Hong Kong Biography，特登揭去何東及張靜蓉兩段（一九四至一九六頁），呢本權威字典簡介何東生平，何東又名何啟東，又名何曉生，生於 1862年 12月 22日，父親名 Charles Henry Maurice Bosman荷蘭猶太人，母親姓 Sze來自崇明島，係 Bosman情婦（ mistress），故此何東本身係荷華混血兒，按現在嘅觀念，美國男人與中國女人生下兒子，兒子係美國人，中國男子與英國女子生下兒子，兒子係中國人， 咁計法，何東係荷蘭人，在香港長大，後來入咗英籍，拿英國護照，法律上係英國人。何東娶了一位 Margaret Mak（麥秀英）女士，麥女士嘅爸爸叫做 Hector MacLean，媽媽係一位歐亞混血兒，係 MacLean之情婦。後因麥氏不育， 1894年何東娶麥氏表妹 Clara為平妻， Clara張自己係連卡佛創辦人之一 Thomas Lane之孫女，係第二代歐亞混血兒；張女士為何東生下三子七女，七子係何世禮，何世禮娶妻 Hesta Hung，亦係歐亞混血兒，有一子一女，即何鴻毅與何勉君之父親。如此從以上資料所知，何東一脈之華人血統其實頂多係四分之一，一家三代都係混血，是否算 得上係中國人/華人，有待專家評定，不過何東生前好穿著中國長袍，與傳統中國富商無異。如果佢係百分百純華人， 1927年嘅港督是否肯批准佢在山頂起屋，還有疑問！