西環集中營︰梁營無懼雙曾配
1 :
GS(14)@2016-08-09 06:54:20特首梁振英近日再接受傳媒訪問，他在訪問中表明，若角逐連任就不怕競爭，明顯對自己充滿信心。有政界中人稱，雖然政圈盛傳財政司司長曾俊華、立法會主席曾鈺成組雙曾配挑戰梁，更流傳曾鈺成弟弟、民政事務局前局長曾德成也可能「出山」助拳，但他聽聞梁振英「冇有怕」，更傳待立會選舉結束，梁的助選工程會「浮面」。該政界人士稱，他近日與梁營中人接觸，他們對曾俊華、曾鈺成甚至林鄭月娥出選特首不以為然，直言梁近日「仍然相信自己好大機會連任」，忠心梁粉更認為曾俊華及林鄭等最終「可能連參選都未必會」。
恃有張德江支持
該政界中人稱，梁營如此有信心，因為相信負責港澳事務的人大委員長張德江支持梁連任，「佢哋話張德江到今日仲係好支持、認同CY工作，張德江係負責港澳事務領導人，有佢支持好重要」。那些梁營更認為，梁任內不論政治還是民生政策均緊跟中央，處理房屋問題也初見成效，「班梁粉直情覺得，北京根本唔可能唔畀CY連任，因為佢完全執行中央畀佢嘅指示」，更有傳待9月立法會選舉結束，梁的助選工程就會「浮面」，「班梁粉話到時就知CY先係真命天子喎！」反梁連任的人則說，或許張德江挺梁，但早前見過一些內地人士，對方直言對梁連任有保留，故此「（梁）點自吹自擂係冇用，除咗盛傳港澳辦主任王光亞唔滿意佢，好多內地負責港澳事務官員對佢都好有意見」。該名反梁人士又說過去一段時間，社會各界均反映了對梁的不滿，「梁營嘅人唔使咁快高興住，中央今日仲支持佢，唔代表之後一直唔會變」。季陶周一、三、五刊出
來源:
http://hk.apple.nextmedia.com/news/art/20160808/19727412