ZKIZ Archives


【荔園試玩】一家大細入去玩 要使幾多錢?

1 : GS(14)@2016-07-17 16:02:08

除了大象天奴外,恐龍也是荔園的標記,這個巨型恐龍彈床相信都會很受小朋友歡迎。



茘園去年暑假吸引不少人一家大細入場玩,今年移師機場博覽館舉行,雖然有點遠,但勝在有冷氣,唔使曬,玩得舒服。今年的設施比上年少,而且大部分都比較適合小朋友玩,我們找來貪玩媽媽Megan同4歲的仔仔魚子醬一齊入場試玩。


除了魚子醬未夠高玩碰碰車,充氣大暴走等遊戲外,其餘都有逐一試玩。第一個玩的是「開心呠呠車」,小朋友要除鞋玩,只穿襪會有點跣,難以前進,魚子醬玩了幾分鐘就落車,改為用手推了。(收費:3個代幣,每節10分鐘)



超大型迷宮和波波池,還設有幾條滑梯,但每節只限時10分鐘,略嫌唔夠喉。

大部份遊戲玩完後都會有襟章送贈。



第二個玩的是招牌恐龍彈床「DINO Dum Dum跳」,但裹面的空間太細,小朋友在同一範圍跳十分鐘會有點悶。(收費:3個代幣,家長陪玩另加1個代幣,每節10分鐘)第三個玩的大型迷宮和波波池「彩虹波波池」,則是魚子醬的最愛,可以瘋狂在迷宮跑上跑落,還有3條滑梯,不過Megan一樣覺得時間太短,「周圍爬和瀡滑梯是幾刺激的,但因為只得10分鐘,大家要爭取時間,因為入面頗大,爬完未必有時間玩波波池,玩波波池又未必有時間玩其他。」(收費:5個代幣,家長陪玩另加3個代幣,每節10分鐘)第四個玩的是親子工作坊,共有四個workshop選擇,兩母子今次就試用3D筆整匙扣,消磨時間也不錯。(收費:5至6個代幣,家長陪玩另加3個代幣,每節約半小時)



場內有超受小朋友歡迎的妖怪手錶場景,可以瘋狂影相呃Like。

還有六架迷你巴士,又是另一個影相呃Like位。



場內還有個迷宮「荔園x蘇飛的奇幻世界」,這迷宮共有三條路線,三個出口,其中兩條路線比較短,餘下一條就較九曲十三彎,要留意,一旦從出口離開督當玩完,記住見到出口要返轉頭,行晒三條路先好離開,咁就最抵玩。(收費:4個代幣,家長陪玩另加2個代幣)今年還有超受小朋友歡迎的妖怪手銀場景,以及6部迷你部巴士,可以俾大家影餐飽。玩到攰,當然要買點小食補充體力,場內兩間餐廳,熱狗和粉麵三十幾蚊就有交易,價錢尚算合理。玩了一個早上,計一計數,入場費連同額外購買的代幣及小食,兩母子的消費大約$450,Megan就覺得有點貴:「一家人來的消費比較高,因為很多遊戲要家長陪同,要另外付錢,一家人都最少要花五、六百元,相對都有點貴,加上這裏不太像荔園,上年有船仔、掟香口膠,反而今年比較像個嘉年華。」睇完試玩,到底值唔值得入場玩,就見仁見智了。記者:黃子配攝影:楊錦文





來源: http://hk.apple.nextmedia.com/su ... t/20160717/19698108
荔園 試玩 一家 大細 細入 入去 去玩 要使 幾多
PermaLink: https://articles.zkiz.com/?id=304100

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019